ഗാര്‍ഹിക വിസ നിയമത്തില്‍ മാറ്റവുമായി കുവൈറ്റ്. ഇതിന്റെ പശ്ചാത്തലത്തിൽ മൂന്ന് മാസത്തിലേറെ രാജ്യത്തിന് പുറത്ത് കഴിയുന്ന വീട്ടുജോലിക്കാരുടെ വിസ റദ്ദാക്കാന്‍ തൊഴിലുടമയ്ക്ക് അധികൃതർക്ക് അനുമതി നല്‍കി.
അതേസമയം വീട്ടുജോലിക്കാര്‍ രാജ്യം വിട്ട് പോയതിന് ശേഷം മൂന്ന് മാസത്തിനുള്ളില്‍ തിരികെ വന്നില്ലെങ്കില്‍ കുവൈത്തി സ്‌പോണ്‍സര്‍ക്ക് അവരുടെ റസിഡന്‍സ് റദ്ദാക്കാമെന്ന് ആഭ്യന്തര മന്ത്രാലയം അറിയിച്ചു. സര്‍ക്കാര്‍ ഏകീകൃത ആപ്പായ സഹേല്‍ വഴിയാണ് ഇതിനുള്ള സൗകര്യം ഏർപ്പെടുത്തിയിരിക്കുന്നത്.
മാത്രമല്ല, റെസിഡന്‍സി അഫയേഴ്‌സ് ഓഫീസുകള്‍ സന്ദര്‍ശിച്ചും ഗാര്‍ഹിക തൊഴിലാളിയുടെ വിസ കാന്‍സല്‍ ചെയ്യാമെന്ന് അധികൃതര്‍ അറിയിച്ചു. ഉപ പ്രധാനമന്ത്രിയും ആഭ്യന്തര മന്ത്രിയുമായ ശൈഖ് തലാൽ അൽ ഖാലിദ് അൽ അഹമ്മദ് അൽ സബാഹിന്‍റെ നിര്‍ദ്ദേശ പ്രകാരമാണ് പുതിയ തീരുമാനമെന്നാണ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തത്.
