നടൻ കൃഷ്ണകുമാറിൻ്റെ മകളും സോഷ്യൽ മീഡിയ ഇൻഫ്ലുവൻസറുമായ ദിയ കൃഷ്ണ വിവാഹിതയായി. സോഫ്റ്റ്വയർ എൻജിനീയറായ ആശ്വിൻ ഗണേശാണ് വരൻ. ഒരുപാട് കാലത്തെ പ്രണയത്തിന് ശേഷമാണ് ഇരുവരും ഒരുമിച്ചത്. തിരുവനന്തപുരത്തെ ആഡംബര ഹോട്ടലിൽ വെച്ചായിരുന്നു വിവാഹം.
ദിയയുടെ വിവാഹത്തിന് അച്ഛൻ കൃഷ്ണകുമാറും അമ്മ സിന്ധു കൃഷ്ണ‌യും സഹോദരങ്ങളായ അഹാനയും ഇഷാനിയും ഹൻസികയും ഇളം പിങ്ക് നിറത്തിലുള്ള വസ്ത്രങ്ങളാണ് അണിഞ്ഞത്. മകളുടെ കല്യാണം കഴിഞ്ഞതിൽ അതിയായ സന്തോഷമുണ്ടെന്നു വിവാഹത്തിന്റെ ആഘോഷങ്ങൾ അവസാനിച്ചെന്നും കോവിഡ് പഠിപ്പിച്ചതുപോലെ ചെറിയൊരു വിവാഹമാണ് നടത്തുന്നതെന്നും കൃഷ്‌ണകുമാർ പറഞ്ഞു.
കുടുംബത്തോട് വളരെ അടുത്ത അതിഥികൾ മാത്രമാണ് ചടങ്ങിൽ പങ്കെടുത്തത്. സിനിമ, രാഷ്ട്രീയ രംഗത്തെ പ്രമുഖർക്കൊപ്പം രാധിക സുരേഷ് ഗോപി, സുരേഷ് കുമാർ തുടങ്ങിയവരും പങ്കെടുത്തിരുന്നു. വിവാഹശേഷം തിരുവനന്തപുരത്ത് കൃഷ്ണകുമാറിന്റെ വീടിന്റെ അടുത്തുള്ള അപ്പാർട്ട്മെന്റിലാണ് ദിയയും അശ്വിനും താമസിക്കുന്നതെന്നും അതിനാൽ ദിയയെ എപ്പോൾ വേണമെങ്കിലും കാണാൻ സാധിക്കുമെന്നും നടി അഹാന കൃഷ്ണ പറഞ്ഞു.
