കാത്തിരിപ്പിനൊടുവിൽ ആദ്യത്തെ കൺമണിയെ വരവേറ്റ് ബോളിവുഡ് ദീപിക പദുക്കോണും രൺവീർ സിങ്ങും. താരദമ്പതികൾക്ക് പെൺകുഞ്ഞാണ് പിറന്നത്.
മുംബൈയിലെ എച്ച്.എൻ റിലയൻസ് ഹോസ്പിറ്റലിൽ വെച്ചാണ് കുഞ്ഞ് ജനിച്ചതെന്നാണ് റിപ്പോർട്ട്. സെപ്റ്റംബറിൽ പുതിയ അതിഥിയെത്തുമെന്ന് ഇരുവരും ആരാധകരെ അറിയിച്ചിരുന്നു. അതോടൊപ്പം കഴിഞ്ഞ ദിവസം ഇരുവരും നടത്തിയ മെറ്റേണിറ്റി ഫോട്ടോഷൂട്ടും വൈറലായിരുന്നു.
2018 നവംബർ 14-നാണ് രൺവീർ സിങ്ങും ദീപിക പദുക്കോണും വിവാഹിതരായത്. കഴിഞ്ഞ നവംബറിൽ അഞ്ചാം വിവാഹ വാർഷികം ആഘോഷിച്ചതിന് പിന്നാലെയാണ് ഇരുവരും മാതാപിതാക്കളാകാൻ ഒരുങ്ങുന്ന സന്തോഷവാർത്ത ആരാധകരെ അറിയിച്ചത്.
