കറൻസിയുടെ വിനിമയ നിരക്ക് അറിയാൻ ഇനി ബുദ്ധിമുട്ടേണ്ട ആവശ്യമില്ല. ലോകത്തിലെ ഏത് കറൻസിയുടെയും വിനിമയ നിരക്ക് അതിവേഗം അറിയാൻ ഇതാ ഒരു കിടിലൻ ആപ്പ്. കറൻസി കൺവേർട്ടറായ ‘ഫോറക്സ് ബ്രോക്കേഴ്സ്’ (forex brokers) ആണ് ഇപ്പോൾ ട്രെന്റിങ്ങായി മുന്നേറുന്ന ആപ്ലിക്കേഷൻ.
നിങ്ങൾ ഇടയ്ക്കിടെ യാത്ര ചെയ്യുന്നവരോ പ്രവാസികളോ ആണോ, എങ്കിൽ ആ ആപ്പ് വളരെ ഉപകാരപ്രദമായിരിക്കും. കാരണം, ഫോറക്സ് ബ്രോക്കേഴ്സ് ആപ്പിൽ കറൻസി നിരക്കുകൾ ഇടയ്ക്കിടെ അപ്ഡേറ്റ് ചെയ്യുന്നതിനാൽ വളരെ കൃത്യമായ നിരക്കുകളാണ് ഉപഭോക്താക്കൾക്ക് ലഭിക്കുക. അതിനാൽ നിരക്ക് മനസിലാക്കി പണം പ്രിയപ്പെട്ടവർക്ക് അയക്കാനും ബിസിനസ് ഉൾപ്പെടെയുള്ള വിവിധ ആവശ്യങ്ങൾക്ക് ഉപയോഗിക്കാനും സാധിക്കും. ഇന്ത്യൻ രൂപ, യുഎസ് ഡോളർ തുടങ്ങി ലോകമെമ്പാടുമുള്ള 150 വ്യത്യസ്ത കറൻസികളുടെ നിരക്കുകൾ ഇതുവഴി മനസിലാക്കാൻ സാധിക്കും
ഇന്റർനെറ്റ് കണക്ഷൻ ഇല്ലെങ്കിൽ പോലും നിമിഷങ്ങൾക്കകം കറൻസിയുടെ മൂല്യം എത്രയാണെന്ന് കണ്ടെത്താൻ സാധിക്കും എന്നതാണ് മറ്റൊരു പ്രത്യേകത. മാത്രമല്ല, വളരെ ലളിതമായ രീതിയിലാണ് ഫോറക്സ് ബ്രോക്കേഴ്സ് ആപ്പ് നിർമ്മിച്ചിരിക്കുന്നത്. അതിനാൽ ആർക്കും അതിവേഗം ഇത് ഉപയോഗിക്കാനും സാധിക്കും. കൂടാതെ BitCoin, LiteCoin, Dogecoin എന്നിവയെപ്പോലും ഈ ആപ്പ് പിന്തുണയ്ക്കുന്നുണ്ട്.
