നിരവധി ആരാധകരുള്ള ഫുട്ബോൾ താരമാണ് ക്രിസ്റ്റ്യാനോ റൊണാൾഡോ. ഇപ്പോൾ സ്വന്തമായി യുട്യൂബ് ചാനൽ തുടങ്ങിയിരിക്കുകയാണ് താരം. ചാനൽ ആരംഭിച്ച് ഒരുദിവസം കൊണ്ട് 11 മില്യൺ ആരാധകരാണ് പേജ് സബ്സ്ക്രൈബ് ചെയ്തത്.
യു.ആർ എന്ന രണ്ടക്ഷരം വെച്ചാണ് താരം തന്റെ ചാനൽ ആരംഭിച്ചിരിക്കുന്നത്. റൊണാൾഡോ തന്നെയാണ് ഇക്കാര്യം ആരാധകരുമായി പങ്കുവെച്ചത്. ‘ദ വെയ്റ്റ് ഈസ് ഓവർ, അവസാനമിതാ എന്റെ യുട്യൂബ് ചാനൽ ഇവിടെ! ഈ പുതിയ യാത്രയിൽ എന്നോടൊപ്പം ചേരൂ, SIUUUscribe ചെയ്യൂ’ എന്ന കുറിപ്പോടെയാണ് താരം ഇക്കാര്യം അറിയിച്ചത്.
തന്റെ യൂട്യൂബ് ചാനലിൽ ഫുട്‌ബോളിന് പുറമെ കുടുംബം, ആരോഗ്യം, പോഷകാഹാരം, വിദ്യാഭ്യാസം, ബിസിനസ് സംബന്ധമായ ഉള്ളടക്കങ്ങളും ഉണ്ടായിരിക്കുമെന്ന് താരം വ്യക്തമാക്കി. വ്യത്യസ്‌ത സാമൂഹിക മാധ്യമങ്ങളിലായി ലോകത്ത് ഏറ്റവും ഫോളോവേഴ്‌സുള്ള താരവും സാമൂഹിക മാധ്യമത്തിൽ നിന്ന് ഏറ്റവും കൂടുതൽ പ്രതിഫലം ലഭിക്കുന്ന സ്പോർട്‌സ് താരവും റൊണാൾഡോയാണ്.
