സൗദി അറേബ്യയിൽ പാചക വാതക വില വർധിപ്പിച്ചു. പാചകവാതകത്തിൻ്റെ വില രണ്ട് റിയാൽ വർധിപ്പിച്ചതായി നാഷനൽ ഗ്യാസ് ആന്റ് ഇൻഡസ്ട്രിയലൈസേഷൻ കമ്പനിയാണ് അറിയിച്ചത്. 21.85 റിയാലാണ് പുതുക്കിയ വില.
പ്രാദേശിക വിപണിയിൽ ദ്രവീകൃത പെട്രോളിയം ഗ്യാസിന്റെ വില വർധിപ്പിച്ചതിന് പിന്നാലെയാണ് ഗ്യാസ് സിലിണ്ടർ റീഫിൽ ചെയ്യുന്നതിനുള്ള വില രണ്ട് റിയാൽ കൂട്ടിയത്. പെട്രോളിയം ഗ്യാസിന്റെ വില ലിറ്ററിന് 9.5 ശതമാനം വർധിപ്പിച്ച് 1.04 റിയാലായാണ് അരാംകോ ഉയർത്തിയത്.
