നവമാധ്യമങ്ങളിൽ കിടിലൻ മേക്കോവറുകൾ എപ്പോഴും വൈറലാകും. അത്തരിലുള്ള മേക്കോവറാണ് ഇപ്പോൾ വൈറലാകുന്നത്. 52 വയസുള്ള ചന്ദ്രികയെയാണ് 25 ന്റെ ചെറുപ്പമുള്ള നവവധുവാക്കി മേക്കോവർ ചെയ്തിരിക്കുന്നത്. ചന്ദ്രികയുടെ നവവധു ഇപ്പോൾ വൈറലാണ്. വീട്ടില്‍ ജോലിക്ക് വരുന്ന ചന്ദ്രികയെന്ന സ്ത്രീയെ അണിയിച്ചൊരുക്കി ഒരു സുന്ദരിയായ മണവാട്ടിയാക്കിയിരിക്കുകയാണ് കണ്ണൂര്‍ ആലക്കോട് സ്വദേശിയായ ജിന്‍സി രഞ്ജു.
ഓവറാക്കി ചളമാക്കാതെയുള്ള മേക്കപ്പും, സാരിയും, ആഭരണവും, പൂവും ഒക്കെയായി ചന്ദ്രിക ചേച്ചി അടിപൊളിയായി. മേക്കോവറിനു ശേഷം ചന്ദ്രിക ചേച്ചി തന്നെയാണോ എന്ന് പലർക്കും മനസിലായതുപോലുമില്ല. സ്വന്തം വിവാഹത്തിന് ചന്ദ്രികയ്ക്ക് ഇങ്ങനെ ഒരുങ്ങാനോ ഫോട്ടോഷൂട്ട് നടത്താനോ സാധിച്ചിരുന്നില്ല. ആ സങ്കടം 52ആമത്തെ വയസ്സിൽ സഫലമാക്കി.
നാല് മണിക്കൂറോളം എടുത്താണ് ഇങ്ങനെ ഒരുക്കിയത്. ജിൻസിയുടെ മിയാ ബെല്ല ബ്യൂട്ടി കെയറിന്റെ ഇൻസ്റ്റഗ്രാം പേജിൽ മേക്കോവർ വീഡിയോ എത്തപ്പെട്ടതോടെയാണ് വൈറലായി മാറിയത്. ‘പണി എടുത്തുകൊണ്ടിരിക്കുന്ന ഇടയിൽ ചേച്ചിയോട് വെറുതെ ഒന്ന് ചോദിച്ചതാ ‘പോരുന്നോ എന്റെ കൂടെ ഷോപ്പിൽ’. പിന്നെ കണ്ട ചേച്ചിയുടെ സന്തോഷം ഞങ്ങളെ അതിശയിപ്പിച്ചു. എല്ലാവരുടെയും ഉള്ളിലുണ്ടാവും, നടക്കാതെ പോയ കുഞ്ഞു കുഞ്ഞു ആഗ്രഹങ്ങൾ’ എന്നാണ് വീഡിയോയുടെ ക്യാപ്‌ഷൻ
