സലാല റോഡിൽ വാഹനങ്ങൾ കൂട്ടിയിടിച്ചുണ്ടായ തീപിടിത്തത്തിൽ ഒരു സ്ത്രീ ഉൾപ്പെടെ അഞ്ച് പേർ മരണപ്പെട്ടു. ഹൈമ – തുംറൈത്ത് റോഡിൽ തുംറൈത്തിൽ നിന്ന് 200 കിലോമീറ്റർ അകലെ മക്ഷനിലാണ് ഇന്നലെ വൈകിട്ടോടെ അപകടമുണ്ടായത്.
മസ്കത്തിൽ നിന്ന് സലാലയിലേക്ക് പുറപ്പെട്ട മുംബൈ സ്വദേശികളായ കുടുംബം സഞ്ചരിച്ച വാഹനമാണ് അപകടത്തിൽപ്പെട്ടതെന്നാണ് വിവരം. മരിച്ചവരിൽ ഒരു സ്ത്രീയും ഉൾപ്പെടുന്നുണ്ട്. പൊള്ളലേറ്റതാണ് മരണകാരണമെന്നാണ് വിലയിരുത്തപ്പെടുന്നത്. എന്നാൽ മരണപ്പെട്ടവരുടെ വിവരങ്ങൾ ഇതുവരെ ലഭ്യമായിട്ടില്ല.
വാഹനം പൂർണമായും കത്തിയ നിലയിൽ ആയിരുന്നു. മൃതദേഹങ്ങൾ തുംറൈത്ത് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
