എത്തിഹാദ് എയർവേസിൽ തൊഴിലവസരം. തങ്ങളുടെ ക്യാബിൻ ക്രൂ ടീമിലെ ഒഴിവുകളിലേക്കുള്ള റിക്രൂട്ട്മെന്റ് കാമ്പെയ്ൻ പ്രഖ്യാപിച്ചിരിക്കുകയാണ് യുഎഇയുടെ അബുദാബി ആസ്ഥാനമായി പ്രവർത്തിക്കുന്ന എത്തിഹാദ് എയർവേസ്.
വർഷാവസാനത്തോടെ 1,000 ക്യാബിൻ ക്രൂ അംഗങ്ങളെയാണ് എയർലൈൻ റിക്രൂട്ട് ചെയ്യുന്നത്. താൽപ്പര്യമുള്ള ഉദ്യോഗാർത്ഥികൾക്ക് ഒരു ഓപ്പൺ ഡേയിൽ പങ്കെടുക്കാം. അതല്ലെങ്കിൽ careers.etihad.com ൽ ഓൺലൈനായി അപേക്ഷിക്കാമെന്ന് എയർലൈൻ അറിയിച്ചു.
എത്തിഹാദ് എയർലൈൻ ഈ വർഷം ഇതിനോടകം 1000-ലധികം ക്യാബിൻ ക്രൂ അംഗങ്ങളെ റിക്രൂട്ട് ചെയ്‌തിട്ടുണ്ട്. 112 രാജ്യങ്ങളിൽ നിന്നുള്ളവരാണ് എത്തിഹാദ് എയർവേയ്സിന്റെ വൈവിധ്യമാർന്ന ക്യാബിൻ ക്രൂവിലുള്ളത്.
