പുതുവത്സരാഘോഷവുമായി ബന്ധപ്പെട്ട് ഡിസംബർ 31 ഞായറാഴ്‌ച ബുർജ് ഖലീഫ / ദുബായ് മാൾ മെട്രോ അടച്ചിടും. വൈകുന്നേരം 5 മണിക്കോ ശേഷിയെക്കാൾ കൂടുതൽ ആളുകൾ ഉണ്ടെങ്കിലോ ആയിരിക്കും മെട്രോ സ്റ്റേഷൻ അടച്ചിടുക.
പുതുവത്സരാഘോഷങ്ങളിൽ തിരക്ക് നിയന്ത്രിക്കുന്നതിനും യാത്രക്കാരുടെ സുരക്ഷയും സൗകര്യവും ഉറപ്പാക്കുന്നതിനുമാണ് ഈ സ്റ്റേഷൻ അടച്ചുപൂട്ടുന്നതെന്ന് അതോറിറ്റി അറിയിച്ചു. കൂടാതെ തങ്ങളുടെ ലക്ഷ്യസ്ഥാനത്ത് എത്താൻ ഫിനാൻഷ്യൽ സെൻ്റർ, എമിറേറ്റ്സ് ടവർ, ബിസിനസ് ബേ, വേൾഡ് ട്രേഡ് സെൻറർ തുടങ്ങിയ ബദൽ സ്റ്റേഷനുകൾ ഉപയോഗിക്കാനും അതോറിറ്റി യാത്രക്കാരോട് നിർദ്ദേശിച്ചിട്ടുണ്ട്.
