മൂന്നാം നരേന്ദ്രമോദി സർക്കാരിന്റെ ആദ്യ ബജറ്റ് ധനമന്ത്രി നിർമലാ സീതാരാമൻ അവതരിപ്പിച്ചു തുടങ്ങി. 11 മണിയോടെയാണ് ബജറ്റ് അവതരണം ആരംഭിച്ചത്. പാവപ്പെട്ടവർ, ചെറുപ്പക്കാർ, വനിതകൾ, കർഷകർ എന്നിവരെ കേന്ദ്രീകരിച്ചുള്ളതാണ് ബജറ്റ്. കാർഷിക മേഖലയ്ക്കും ഊന്നൽ നൽകിയിട്ടുണ്ട്. ഇന്ത്യൻ സാമ്പത്തിക രംഗം വളർച്ചയിലെന്ന് ധനമന്ത്രി പറഞ്ഞു.
പ്രധാനമന്ത്രി ഗരിബ് കല്യാൺ യോജന അഞ്ച് വർഷത്തേക്ക് കൂടി നീട്ടിയിട്ടുണ്ട്. സ്ത്രീകൾക്കും യുവാക്കൾക്കും കർഷകർക്കും പരിഗണന നൽകുമെന്നും മന്ത്രി വ്യക്തമാക്കി. എല്ലാ മേഖലയിലും അധിക തൊഴിൽ നൽകും. സ്ത്രീകൾക്ക് പ്രത്യേക നൈപുണ്യ പദ്ധതി, തൊഴിലില്ലായ്മ പരിഹരിക്കാൻ പ്രത്യേക നടപടി, 20 ലക്ഷ്യം യുവാക്കൾക്ക് പരിശീലനം നൽകും. വിദ്യാഭ്യാസ ലോണിന് വായ്‌പയ്ക്ക് യോഗ്യതയില്ലാത്തവർക്കും സഹായം നൽകും. 5 വർഷം കൊണ്ട് 20 ലക്ഷം ചെറുപ്പക്കാർക്ക് നൈപുണ്യ പരിശീലനം നൽകും. ഗവേഷണത്തിന് പ്രത്യേക പദ്ധതി ആവിഷ്‌കരിക്കും.
ബജറ്റിലെ പ്രധാന പ്രഖ്യാപനങ്ങൾ
• എല്ലാ മേഖലയിലും അധിക തൊഴിൽ
• 20 ലക്ഷം യുവാക്കൾക്ക് പരിശീലനം
• സ്ത്രീകൾക്ക് പ്രത്യേക നൈപുണ്യ പദ്ധതി
• കാൻസറിനുള്ള 3 മരുന്നുകളുടെ കസ്റ്റംസ് ഡ്യൂട്ടി ഒഴിവാക്കി
• മൊബൈൽ ഫോണിന്റെയും ചാർജറിന്റെയും കസ്റ്റംസ് ഡ്യൂട്ടി ഒഴിവാക്കി
• സ്വർണത്തിനും വെള്ളിക്കും വില കുറയും
• പ്ലാസ്റ്റിക്കിന്റെ വില കൂടും
• വിദ്യാഭ്യാസ ലോണിന് വായ്‌പയ്ക്ക് യോഗ്യതയില്ലാത്തവർക്കും സഹായം
• ഗ്രാമീണ വികസനത്തിന് 2.66 ലക്ഷം കോടി
• ഇന്ത്യ പോസ്റ്റ് പെയ്മെൻ്റ് ബാങ്കിൻ്റെ 100 ശാഖകൾ വടക്കു കിഴക്കൻ സംസ്ഥാനങ്ങളിൽ സ്ഥാപിക്കും
• മുദ്രലോൺ 20 ലക്ഷമാക്കി ഉയർത്തി. മുദ്ര ലോൺ കൃത്യമായി
• തിരിച്ചടക്കുന്നവരെ തരുൺ വിഭാഗത്തിൽ ഉൾപ്പെടുത്തി കൂടുതൽ സഹായം
• ഒരു കോടി ചെറുപ്പക്കാർക്ക് ഇൻ്റേൺഷിപ്പ്. ഇൻ്റേൺഷിപ്പ് ചെയ്യുന്നവർക്ക് 5000 രൂപ പ്രതിമാസം
• പി.എം ആവാസ് യോജനയിൽ 3 കോടി വീടുകൾ
• 400 ജില്ലകളിൽ വിള സർവേ മൂന്ന് വർഷത്തിനുള്ളിൽ
• ചെറുകിട വ്യവസായികൾക്ക് വായ്പ വർധിപ്പിക്കും
• പുതിയ ചെറുകിട സംരംഭങ്ങൾക്ക് ക്രെഡിറ്റ് ഗ്യാരണ്ടി പദ്ധതി
