കുവൈത്ത് എയര്‍വേസ് വിമാനത്തിനുളളില്‍ കുഞ്ഞിന് ജന്‍മം നല്‍കി യുവതി. ഫിലിപ്പിയനി യുവതിയാണ് വിമാനത്തിനുളളില്‍ കുഞ്ഞിന് ജന്‍മം നല്‍കിയത്. ഫിലിപ്പിയന്‍ തലസ്ഥാനമായ മനിലയിലേക്കുളള യാത്രയ്ക്കിടെ ചൊവ്വാ‍ഴ്ചയാണ് ആകാശത്തെ പ്രസവം.
കെയു 417 വിമാനത്തിലായിരുന്നു യുവതിയുടെ യാത്ര. ഒന്‍പത് മണിക്കൂര്‍ നീണ്ട യാത്രയ്ക്കിടെ യുവതി പ്രസവ ലക്ഷണങ്ങൾ കാണിക്കുകയായിരുന്നു. തുടര്‍ന്ന് വിമാന ജീവനക്കാര്‍ യുവതിയുടെ പരിചരണം ഏറ്റെടുക്കുകയായിരുന്നു.
ജീവനക്കാര്‍ക്ക് കമ്പനി നല്‍കുന്ന കൃത്യമായ പരിശീലനമാണ് അടിയന്തിര സാഹചര്യം നേരിടാന്‍ സഹായിച്ചതെന്ന് കുവൈറ്റ് എയര്‍വേസ് അറിയിച്ചു. ക്യാബിന്‍ ക്രൂ അംഗങ്ങളുടെ കൈകളില്‍ സുഖമായി ഉറങ്ങുന്ന ചിത്രങ്ങളും ഇതിനകം സോഷ്യല്‍ മീഡിയകളില്‍ പ്രചരിച്ചു ക‍ഴിഞ്ഞു.
