കുവൈറ്റിൽ ബയോമെട്രിക് രജിസ്ട്രേഷൻ രണ്ട് മാസം കൂടി

കുവൈറ്റിൽ ബയോമെട്രിക് രജിസ്ട്രേഷൻ ഇനി രണ്ട് മാസം കൂടി. സ്വദേ​ശി​ക​ൾ​ക്കും പ്ര​വാ​സി​ക​ൾ​ക്കും ബ​യോ​മെ​ട്രി​ക് ര​ജി​സ്ട്രേ​ഷ​ന് ന​ൽ​കി​യ സ​മ​യ​പ​രി​ധി ഒ​രു​മാ​സം പി​ന്നി​ടുകയാണ്. മാ​ർ​ച്ച് ഒ​ന്നു മു​ത​ൽ മൂ​ന്നു മാ​സ​ത്തി​നു​ള്ളി​ൽ ബ​യോ​മെ​ട്രി​ക് ര​ജി​സ്ട്രേ​ഷ​ന്‍ പൂ​ർ​ത്തി​യാ​ക്കാ​ൻ നേ​ര​ത്തേ ആ​ഭ്യ​ന്ത​ര മ​ന്ത്രാ​ല​യം താമസക്കാർക്ക് നി​ർ​ദേ​ശം ന​ല്‍കി​യി​രു​ന്നു. ഇതിന്റെ അടിസ്ഥാനത്തിൽ നി​ര​വ​ധി പേ​ർ ഇ​തി​നോട​കം തന്നെ ന​ട​പ​ടി​ക​ൾ പൂ​ർ​ത്തി​യാ​ക്കി. ജൂ​ൺ ഒ​ന്നി​ന് മു​മ്പ് എ​ല്ലാ​വ​രും ര​ജി​സ്ട്രേ​ഷ​ന്‍ പൂ​ര്‍ത്തീ​ക​രി​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം വീ​ണ്ടും മു​ന്ന​റി​യി​പ്പ് ന​ൽ​കിയിരിക്കുകയാണിപ്പോൾ. ഈ ​കാ​ലാ​വ​ധി​ക്കു​ള്ളി​ൽ ന​ട​പ​ടി പൂ​ർ​ത്തി​യാ​ക്കി​യി​ല്ലെ​ങ്കി​ൽ അ​വ​രു​ടെ എ​ല്ലാ സ​ര്‍ക്കാ​ര്‍ ഇ​ട​പാ​ടു​ക​ളും താ​ൽ​ക്കാ​ലി​ക​മാ​യി നി​ര്‍ത്തി​വെ​ക്കു​മെ​ന്നും അ​ധി​കൃ​ത​ര്‍ കൂട്ടിച്ചേർത്തു.

രാ​ജ്യ​ത്ത് ഇ​തു​വ​രെ​ 17.8 ല​ക്ഷം പേ​രാ​ണ് ബ​യോ​മെ​ട്രി​ക്സ് പൂ​ര്‍ത്തി​യാ​ക്കി​യ​ത്. ഇ​തി​ല്‍ ഒ​മ്പ​തു ല​ക്ഷ​ത്തി​ലേ​റെ പേ​ര്‍ സ്വ​ദേ​ശി​ക​ളാ​ണ്. മെ​റ്റ വെ​ബ്സൈ​റ്റ്, സ​ഹ​ല്‍ ആ​പ് എന്നീ സംവിധാനങ്ങൾ വ​ഴി ബ​യോ​മെ​ട്രി​ക് ര​ജി​സ്ട്രേ​ഷ​ന് ബു​ക്ക് ചെ​യ്ത് ഇ​തി​നാ​യി സ​ജ്ജീ​ക​രി​ച്ച കേ​ന്ദ്ര​ങ്ങ​ളി​ൽ നേരിട്ടെ​ത്തി​യാ​ണ് ന​ട​പ​ടി​ക​ൾ പൂ​ർ​ത്തി​യാ​ക്കേ​ണ്ട​ത്. സ്വ​ദേ​ശി​ക​ളു​ടെ​യും വി​ദേ​ശി​ക​ളു​ടെ​യും ബ​യോ​മെ​ട്രി​ക് ഡേ​റ്റ പൂ​ർ​ത്തി​യാ​ക്കു​ന്ന​തോ​ടെ വി​വി​ധ അ​റ​ബ് രാ​ജ്യ​ങ്ങ​ളു​മാ​യും ഇ​ന്റ​ർ​പോ​ൾ അ​ട​ക്ക​മു​ള്ള സ്ഥാ​പ​ന​ങ്ങ​ളു​മാ​യും സു​ര​ക്ഷ ക​ണ​ക്ടി​വി​റ്റി വ​ര്‍ധി​പ്പി​ക്കാ​ന്‍ ക​ഴി​യു​മെ​ന്നാ​ണ് പ്ര​തീ​ക്ഷിക്കുന്നത്. യാ​ത്ര വി​ല​ക്കു​ള്ള​വ​ർ വ്യാ​ജ പാ​സ്‌​പോ​ർ​ട്ടു​ക​ൾ ഉ​പ​യോ​ഗി​ച്ച് രാ​ജ്യ​ത്തേ​ക്ക് പ്ര​വേ​ശി​ക്കാ​ന്‍ ശ്ര​മി​ക്കു​ന്ന​തും ബ​യോ​മെ​ട്രി​ക് ഡേ​റ്റ​ബേ​സി​ലൂ​ടെ ക​ണ്ടെ​ത്താ​ന്‍ സാധിക്കും. നി​ര​വ​ധി രാ​ജ്യ​ങ്ങ​ളി​ൽ യാ​ത്ര​ക്കാ​രു​ടെ പ്ര​വേ​ശ​ന​ത്തി​നും പു​റ​ത്തു​ക​ട​ക്ക​ലി​നും ബ​യോ​മെ​ട്രി​ക് ഫിം​ഗ​ർ​പ്രി​ന്റ് നി​ര്‍ബ​ന്ധ​മാ​ണ്.