യുഎഇ ടൂർ പുരുഷന്മാരുടെ സൈക്ലിംഗ് റേസിന്റെ ആറാം ഘട്ടവുമായി ബന്ധപ്പെട്ട് നാളെ അബുദാബി നഗരത്തിന് ചുറ്റുമുള്ള ചില റോഡുകൾ താത്കാലികമായി അടച്ചിടും. ഉച്ചയ്ക്ക് ഒരു മണി മുതൽ 4.30 വരെ ചില റോഡുകൾ അടച്ചിടുമെന്ന് അബുദാബിയിലെ ഇന്റഗ്രേറ്റഡ് ട്രാൻസ്പോർട്ട് സെന്റർ അറിയിച്ചു.
ഇത് പ്രകാരം അൽദാർ സ്റ്റേജ് എന്ന് പേരിട്ടിരിക്കുന്ന ആറാമത്തെ ഘട്ടത്തിൽ റൈഡർമാർ സാദിയാത്ത് ദ്വീപിലെ ഗംഭീരമായ ലൂവെ അബുദാബിയിൽ നിന്ന് ആരംഭിച്ച് അബുദാബി ബ്രേക്ക്‌വാട്ടറിൽ അവസാനിക്കും. വാഹനമോടിക്കുന്നവരോട് റോഡ് അടച്ചിരിക്കുന്നതിനെക്കുറിച്ചുള്ള വിവരങ്ങൾ തേടണമെന്നും അസൗകര്യം ഉണ്ടാകാതിരിക്കാൻ ഡ്രൈവർമാരോട് യാത്ര നേരത്തെ ആരംഭിക്കാനും അതോറിറ്റി അഭ്യർത്ഥിച്ചിട്ടുണ്ട്.
