ഖത്തറിന്റെ ആദര സൂചകമായി രാഷ്ട്ര സ്ഥാപകൻ ഷെയ്ഖ് ജാസിം ബിൻ മുഹമ്മദ് ബിൻഥാനിയുടെ പേരിലുള്ള വാൾ കസാഖിസ്താൻ പ്രസിഡന്റ് ഖസിം ജൊമർട് തൊകയേവിന് ഖത്തർ അമീർ സമ്മാനിച്ചു. ഇരു രാജ്യങ്ങൾക്കുമിടയിലെ ഊഷ്മളമായ സൗഹൃദത്തിന്റെ അടയാളമായാണ് അമീർ ഷെയ്ഖ് തമീം ബിൻ ഹമദ് ആൽഥാനി കസാഖ് പ്രസിഡന്റിന് വാൾ സമ്മാനിച്ചത്.
ദോഹയിലെത്തിയ പ്രസിഡന്റിനെ അമീരി ടെർമിനലിൽ അമീർ നേരിട്ടെത്തി സ്വീകരിക്കുകയായിരുന്നു. ബുധനാഴ്ച നടന്ന കൂടിക്കാഴ്ചയ്ക്കു ശേഷം രാഷ്ട്ര നേതാക്കളുടെ സാന്നിധ്യത്തിൽ വിവിധ കരാറുകളിൽ ഒപ്പുവയ്ക്കുകയും ചെയ്തിട്ടുണ്ട്.
