ദോഹയിലെ അൽ ദബാബിയ സ്ട്രീറ്റിൽ ഓഗസ്റ്റ് 16 മുതൽ രാത്രി 8 മണിക്കൂർ ഗതാഗത നിയന്ത്രണം ഏർപ്പെടുത്തും. ദിവസേന രാത്രി 10 മണി മുതൽ രാവിലെ 6 മണി വരെ താൽക്കാലികമായി റോഡ് അടച്ചിടാനാണ് തീരുമാനിച്ചിരിക്കുന്നത്. അൽ ദബാബിയ സ്ട്രീറ്റിലെ അൽ ഖജി സ്ട്രീറ്റ് മുതൽ ദുഹെയ്ൽ സ്ട്രീറ്റ് വരെ ഒരു വശത്തേക്കുള്ള റോഡാണ് അടച്ചിടുക.
സെപ്റ്റംബർ 2 വരെയാണ് നിയന്ത്രണം ഏർപ്പെടുത്തിയിരിക്കുന്നത്. അടിസ്ഥാന സൗകര്യ വികസന പ്രവൃത്തികൾ പൂർത്തിയാക്കുന്നതിന്റെ ഭാഗമായാണ് പുതിയ തീരുമാനം. റോഡ് അടയ്ക്കുന്ന സമയം അൽ ദബാബിയ സ്ട്രീറ്റിലേക്ക് പോകുന്നവർ അൽ ഖജി സ്ട്രീറ്റിലൂടെ നേരെ സഞ്ചരിച്ച് വലത്തേക്ക് തിരിഞ്ഞ് അൽ ഷഫള്ളാഹിയ സ്ട്രീറ്റിലെത്തി അവിടെ നിന്ന് വലത്തേക്ക് തിരിഞ്ഞ് അൽ ദുഹെയ്ൽ സ്ട്രീറ്റിൽ പ്രവേശിച്ച് വീണ്ടും വലത്തേക്ക് തിരിഞ്ഞാണ് അൽ ദബാബിയ സ്ട്രീറ്റിലെത്തേണ്ടത്.
