കുവൈത്തിൽ നിന്നും കണ്ണൂരിലേയ്ക്കുള്ള സർവ്വീസുകൾ വർധിപ്പിച്ച് എയർ ഇന്ത്യ എക്സ്പ്രസ്. ഒക്ടോബർ 30 മുതൽ ആഴ്ചയിൽ രണ്ട് സർവ്വീസുകളാണ് കുവൈത്ത് – കണ്ണൂർ സെക്ടറിൽ നടത്തുക. നിലവിൽ വ്യാഴാഴ്ച മാത്രം നടത്തുന്ന സർവ്വീസാണ് എയർ ഇന്ത്യ എക്സ്പ്രസ് തിങ്കളാഴ്ച കൂടി ആരംഭിക്കുന്നത്.
പുലർച്ചെ 4.40ന് കണ്ണൂരിൽ നിന്ന് പുറപ്പെടുന്ന വിമാനം 7.40ന് കുവൈത്തിൽ എത്തും. തിരിച്ച് കുവൈത്തിൽ നിന്ന് 8.40ന് പുറപ്പെട്ട് വൈകിട്ട് നാലിന് കണ്ണൂരിലെത്തും. കുവൈത്തിൽ നിന്ന് കണ്ണൂരിലേക്ക് ആഴ്ചയിൽ മൂന്ന് ദിവസം സർവീസ് നടത്തിയിരുന്ന ഗോ ഫസ്റ്റ് സർവ്വീസ് അവസാനിപ്പിച്ചതോടെ ഈ മേഖലയിലുള്ളവരുടെ യാത്ര ദുരിതം ഒഴിവാക്കുന്നതിനായാണ് എയർ ഇന്ത്യ എക്സ്പ്രസ് പുതിയ സർവ്വീസ് ആരംഭിക്കുന്നത്. ഇതോടെ ജനങ്ങളുടെ യാത്രാദുരിതം പരിഹരിക്കാൻ സാധിക്കുമെന്ന പ്രതീക്ഷയിലാണ് അധികൃതർ.
