യാത്രക്കാർക്ക് ആശ്വാസമായി പുതിയ സർവ്വീസ് പ്രഖ്യാപിച്ച് എയർ ഇന്ത്യ എക്സ്പ്രസ്. കുവൈത്തിൽ നിന്നും കൊച്ചിയിലേക്കാണ് എയർ ഇന്ത്യ എക്സ്പ്രസ് പുതിയ സർവീസ് ആരംഭിക്കുന്നത്. ആഴ്ച്ചയിൽ മൂന്ന് സർവീസുകളാണ് ഈ റൂട്ടിൽ ആരംഭിക്കുകയെന്ന് എയർ ഇന്ത്യ അധികൃതർ അറിയിച്ചു.
ജൂൺ മൂന്ന് മുതലാണ് പുതിയ സർവീസുകൾ ആരംഭിക്കുക. കുവൈത്തിൽ നിന്ന് കൊച്ചിയിലേക്ക് തിങ്കൾ, ചൊവ്വ, വ്യാഴം ദിവസങ്ങളിലും കൊച്ചിയിൽ നിന്ന് കുവൈത്തിലേക്ക് ഞായർ, തിങ്കൾ, വ്യാഴം ദിവസങ്ങളിലുമായാണ് സർവീസ് നടത്തുക.
നിലവിൽ കണ്ണൂർ, കോഴിക്കോട് സെക്ടറിലേയ്ക്ക് മാത്രമാണ് കുവൈത്തിൽ നിന്ന് എയർ ഇന്ത്യ എക്സ്പ്രസ് സർവീസ് നടത്തുന്നത്. ഇത് കൂടുതൽ മേഖലകളിലേയ്ക്ക് വ്യാപിപ്പിക്കാനാണ് തീരുമാനം. വേനലവധിക്കായി നിരവധി പേർ നാട്ടിലേയ്ക്ക് യാത്രചെയ്യുമെന്നതിനാൽ ജനങ്ങൾക്ക് സൗകര്യപ്രദമായ യാത്ര വാഗ്ദാനം ചെയ്യുന്നതിന്റെ ഭാഗാമായാണ് പുതിയ തീരുമാനം.
