സ്വർണക്കടത്തിൻ്റെ പലരൂപങ്ങൾ വാർത്തയായിട്ടുണ്ടെങ്കിലും അപൂർവ്വമായാണ് ക്യാബിൻ ക്രൂ അംഗങ്ങൾ പ്രതിപട്ടികയിൽ വരുന്നത്. എന്നാൽ കഴിഞ്ഞ ദിവസം കണ്ണൂരിൽ പിടിയിലായ എയർ ഇന്ത്യ എക്‌സ്‌പ്രസ് ക്യാബിൻ ക്രൂ സുരഭി ഖാത്തൂണ്‍ മുമ്പും സ്വർണം കടത്തിയിട്ടുണ്ടെന്നാണ് അന്വേഷണ സംഘത്തിന്‍റെ കണ്ടെത്തൽ.
അറസ്‌റ്റിലായ സുരഭി ഖാത്തൂണിനെ കോടതിയിൽ ഹാജരാക്കിയ ശേഷം 14 ദിവസത്തേക്ക് റിമാന്‍ഡ് ചെയ്‌തു. നിലവിൽ കണ്ണൂർ വനിത ജയിലിലേക്ക് മാറ്റിയിട്ടുണ്ട്. 960 ഗ്രാം സ്വർണവുമായി റവന്യു ഇന്‍റലിജൻസിൻസാണ് ഇവരെ പിടികൂടിയത്. ഇന്ത്യയിൽതന്നെ ഇതാദ്യമായാണ് ശരീരത്തിന്‍റെ പിൻഭാഗത്ത് ഒളിപ്പിച്ച് സ്വർണം കടത്തിയതിന് ഒരു എയർലൈൻ ജീവനക്കാരി അറസ്‌റ്റിലാകുന്നതെന്ന് റിപ്പോർട്ടുകൾ സൂചിപ്പിക്കുന്നു.
എയർഹോസ്‌റ്റസ് സ്വർണം കടത്തിയ സംഭവത്തിൽ നിർണായക വിവരങ്ങൾ ഡിആർഐ ശേഖരിച്ച് വരികയാണ്. കഴിഞ്ഞ മാർച്ചിലും സുരഭി സ്വർണം കടത്തിയെന്നാണ് വിവരം. വരും ദിവസങ്ങളിൽ സുരഭിയെ വിശദമായി ചോദ്യം ചെയ്യുമെന്നും അന്വേഷണം വ്യാപിപ്പിക്കുമെന്നും ഉദ്യോഗസ്ഥർ പറഞ്ഞു.
ഏകദേശം 60ലക്ഷം രൂപയുടെ സ്വർണമാണ് ഇവരിൽനിന്ന് കണ്ടെത്തിയത്. നാല് കാപ്സ്യൂളുകളായി ശരീരത്തിൽ ഒളിപ്പിച്ച നിലയിലായിരുന്നു സ്വർണം. മസ്കറ്റിൽ നിന്ന് എയർ ഇന്ത്യ എക്സ്പ്രസിന്റെ ഐ.എക്സ് 714 വിമാനത്തിലാണ് സുരഭി കേരളത്തിലെത്തിയത്. കൊല്‍ക്കത്ത സ്വദേശിയായ ഇവര്‍ .
