സൂപ്പർ ലീഗ് കേരള ഫുട്‌ബോൾ ക്ലബ്ബ് കാലിക്കറ്റ് എഫ്.സിയുടെ ബ്രാൻഡ് അംബാസഡറായി സംവിധായകനും നടനുമായ ബേസിൽ ജോസഫ്. കാലിക്കറ്റ് എഫ്.സിയുടെ ആദ്യ മത്സരം കാണാനും ടീമിനെ പ്രോത്സാഹിപ്പിക്കാനും ബേസിൽ ജോസഫും സ്റ്റേഡിയത്തിലെത്തും.
ആദ്യ മാച്ചിന്റെ ടിക്കറ്റ് വിൽപ്പനയിൽ നിന്ന് നടത്തുന്ന നറുക്കെടുപ്പിന്റെ സമ്മാനദാനവും മത്സരവേദിയിൽ ബേസിൽ നിർവഹിക്കും. മലയാള സിനിമയിൽ നിന്ന് നേരത്തെ തന്നെ താരങ്ങൾ സൂപ്പർ ലീഗ് കേരളയുടെ ഭാഗമായിട്ടുണ്ട്.
പൃഥ്വിരാജ് ഫോഴ്സ കൊച്ചി എഫ്സിയുടെയും ആസിഫ് അലി കണ്ണൂർ വാരിയേഴ്സിന്റെയും നിവിൻ പോളി തൃശൂർ മാജിക്ക് എഫ്സിയുടെയും സഹ ഉടമകളാണ്.
