അബുദാബിയിൽ വാഹനങ്ങളുടെ സ്പീഡ് 120 കിലോമീറ്ററിൽ കുറഞ്ഞാൽ പിഴ ചുമത്തും. മെയ് മുതൽ അബുദാബി ശൈഖ് മുഹമ്മദ് ബിൻ റാഷിദ് റോഡിലാണ് വേഗത നിയമം കർശനമായി നടപ്പാക്കുന്നത്. ഏപ്രിൽ 1 മുതൽ നിയമം നിലവിൽ വരുമെങ്കിലും സ്പീഡ് കുറയ്ക്കുന്നവർക്കു 400 ദിർഹം പിഴ ഈടാക്കുക മെയ് മുതലായിരിക്കും.
ഇടതുവശത്തെ രണ്ടു ട്രാക്കുകളിൽ സ്പീഡ് കുറയാൻ പാടില്ല. ഈ ട്രാക്കുകളിൽ 140 ആണ് ഉയർന്ന വേഗത. കുറഞ്ഞ വേഗം 120 കിലോമീറ്ററാണ്. വേഗം കുറച്ച് ഓടിക്കണമെങ്കിൽ മൂന്നാമത്തെ ലെയ്ൻ തിരഞ്ഞെടുക്കാം. കാരണം ഈ ട്രാക്കിൽ വേഗ പരിധിയില്ല. ഭാരം കൂടിയ വാഹനങ്ങൾ റോഡിന് വലത്തെ അറ്റത്തെ ലെയ്ൻ ഉപയോഗിക്കണം.
ഇന്നു മുതൽ മിനിമം സ്പീഡ് സംബന്ധിച്ച മുന്നറിയിപ്പ് റോഡിൽ വശങ്ങളിൽ പ്രദർശിപ്പിക്കുമെന്നു പൊലീസ് അറിയിച്ചു. റോഡ് അപകടങ്ങൾ കുറയ്ക്കുന്നതിൻ്റെ ഭാഗമായാണ് പുതിയ നിയന്ത്രണം.
