54ാമത് സംസ്ഥാന ചലച്ചിത്ര പുരസ്കാരത്തിൽ അവാർഡുകൾ വാരിക്കൂട്ടി ‘ആടുജീവിതം’ സിനിമ. മികച്ച നടനും സംവിധായകനും ഉൾപ്പെടെ 8 പുരസ്കാരങ്ങളാണ് ചിത്രം സ്വന്തമാക്കിയത്.
മികച്ച നടനുള്ള പുരസ്കാരം ചിത്രത്തിലൂടെ പൃഥ്വിരാജ് നേടിയപ്പോൾ മികച്ച സംവിധായകനായി ബ്ലെസിയും മാറി. 16 വർഷത്തെ അണിയറ പ്രവർത്തനങ്ങളാണ് സിനിമയ്ക്ക് വേണ്ടി ബ്ലെസിയും പൃഥ്വിരാജും ഉൾപ്പെടെയുള്ളവർ നടത്തിയിരുന്നത്.
ജനപ്രിയ ചിത്രത്തിനുള്ള പുരസ്കാരം ആടുജീവിതം സ്വന്തമാക്കി. ഛായാഗ്രഹണം (സുനിൽ.കെ.എസ്), തിരക്കഥാകൃത്ത് (ബ്ലെസി {അഡാപ്റ്റേഷൻ}), സ്പെഷ്യൽ ജൂറി നടൻ (കെ.ആർ ഗോകുൽ), മേക്കപ്പ് ആർട്ടിസ്റ്റ് (രഞ്ജിത് അമ്പാടി), ശബ്ദമിശ്രണം (റസൂൽ പൂക്കുട്ടി, ശരത് മോഹൻ) എന്നീ വിഭാഗങ്ങളിലാണ് ചിത്രം പുരസ്കാരം നേടിയത്.
