ഭക്ഷണം കഴിച്ചുകൊണ്ടിരിക്കുമ്പോൾ ഹൃദയാഘാതത്തെത്തുടർന്ന് ഷാർജയിൽ മലയാളി യുവതി മരിച്ചു. പാലക്കാട് ശ്രീകൃഷ്ണപുരം സ്വദേശിനി ചേരത്തൊടി ശരണ്യയാണ് (32) മരിച്ചത്. ഭർത്താവിനൊപ്പം ഭക്ഷണം കഴിച്ചുകൊണ്ടിരിക്കെയാണ് ശരണ്യയ്ക്ക് ഹൃദയാഘാതമുണ്ടായത്. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൂന്നു വർഷത്തോളമായി ഭർത്താവ് മൃദുൽ മോഹനനൊപ്പം ശരണ്യ ഷാർജയിൽ താമസിച്ചുവരികയാണ്. ദുബായിൽ എഞ്ചിനീയറായി ജോലി ചെയ്യുകയാണ് മൃദുൽ. മൃതദേഹം നാട്ടിലെത്തിച്ച് സംസ്കരിക്കും.
