ഷാർജയിൽ വ്യാഴാഴ്‌ച രാവിലെയുണ്ടായ സ്കൂൾ ബസ് അപകടത്തിൽ രണ്ട് വിദ്യാർത്ഥികൾക്കും രണ്ട് സൂപ്പർവൈസർമാർക്കും നിസാര പരിക്കേറ്റു. സ്കൂൾ ബസ് പെട്ടെന്ന് തിരിയുകയും തെന്നിമാറി നടപ്പാതയിൽ ഇടിച്ചതാണ് അപകടത്തിന് കാരണമായതെന്ന് ഷാർജ പോലീസ് പറഞ്ഞു.
പരിക്കേറ്റവരെ ചികിത്സയ്ക്കായി ആശുപത്രിയിൽ പ്രവേശിപ്പിച്ചിട്ടുണ്ട്. അതേസമയം സ്കൂൾ ബസുകൾ ശ്രദ്ധാപൂർവം ഓടിക്കേണ്ടതിന്റെ പ്രാധാന്യവും ട്രാഫിക് നിയമങ്ങൾ പാലിക്കേണ്ടതിൻറെ ആവശ്യകതയും ഷാർജ പോലീസ് വീണ്ടും ഓർമ്മിപ്പിക്കുകയും ചെയ്തു. നിയമങ്ങൾ പാലിക്കാതെ വാഹനം ഓടിക്കുന്നത് കുറ്റകരമാണെന്നും പോലീസ് ഓർമിപ്പിച്ചു.
