ഷാർജയിൽ മലയാളി യുവാവ് കുത്തേറ്റ് മരിച്ചു. പാലക്കാട് മണ്ണാർക്കാട് സ്വദേശി ഹക്കീമാണ് മരിച്ചത്. 6 വയസായിരുന്നു. സംഭവത്തിൽ പ്രതിയായ പാകിസ്താൻ സ്വദേശി പോലീസ് പിടിയിലായി. ആക്രമണത്തിൽ രണ്ട് മലയാളികൾക്കും ഒരു ഈജിപ്ത് പൗരനും പരിക്കേറ്റിട്ടുണ്ടെന്നും പൊലീസ് അറിയിച്ചു. ഷാർജയിലെ ഒരു പ്രമുഖ ഹൈപ്പർ മാർക്കറ്റിലെ മാനേജറായി ജോലി ചെയ്തുവരികയായിരുന്നു ഹക്കീം.
ഷാർജയിലെ ബുതീനയില്‍ ഞായറാഴ്ച അര്‍ദ്ധരാത്രിയോടെയാണ് സംഭവം. തന്റെ സ്ഥാപനത്തിന് സമീപത്തെ കഫിറ്റീരിയയിലെ ജീവനക്കാരനും ഹക്കിമിന്റെ സഹപ്രവർത്തകരും തമ്മിലുണ്ടായ തര്‍ക്കം പരിഹരിക്കാനെത്തിയതായിരുന്നു ഹക്കും. ഇതിനിടെ പ്രകോപിതാനായ പാകിസ്ഥാന്‍ പൗരന്‍ സമീപമുണ്ടായവരെ കത്തിയുമായി ആക്രമിക്കുകയായിരുന്നു.
മാരകമായി പരുക്കേറ്റ ഹക്കീമിനെ രക്ഷിക്കാനുളള ശ്രമങ്ങൾ പരാജയപ്പെട്ടു. ഹക്കീമിന്റെ കുടുംബം ദിവസങ്ങൾക്ക് മുമ്പാണ് ഷാർജയില്‍നിന്ന് നാട്ടിലേക്ക് മടങ്ങിയത്. മൃതദേഹം നാട്ടിലെത്തിക്കാനുള്ള നടപടിക്രമങ്ങൾ ആരംഭിച്ചിട്ടുണ്ടെന്നും പൊലീസ് അറിയിച്ചു.
