ശ്രീദേവി മൂവീസിന്റെ നിർമാണത്തിൽ സാമന്ത നായികയാകുന്ന സയൻസ് ഫിക്ഷൻ ത്രില്ലർ ‘യശോദ’യുടെ ആദ്യ ഗ്ലിംപ്സ് പുറത്ത്. ഉറക്കം ഉണർന്ന് തനിക്ക് ചുറ്റുമുള്ളതെല്ലാം കണ്ട് ആശ്ചര്യപ്പെടുന്ന യശോദ, ജനലരികിൽ ഇരിക്കുന്നൊരു പ്രാവിനെ തൊടാൻ കൈ നീട്ടുമ്പോഴാണ് യശോദ ഒരു പുറത്തേക്ക് വരാൻ കഴിയാത്ത ഒരിടത്ത് കുടുങ്ങിപോയതായി മനസിലാകുന്നത്. പശ്ചാത്തല സംഗീതവും കൂടി ചേരുമ്പോൾ കൗതുകം ഉണർത്തുന്നൊരു കഥയാകുമെന്നാണ് ഗ്ലിംപ്സ് നൽകുന്ന സൂചന. ഹരി-ഹരീഷ് ജോഡി ആണ് യശോദയുടെ സംവിധാനം.
സാമന്തയ്ക്കൊപ്പം വരലക്ഷ്മി ശരത്കുമാർ, ഉണ്ണി മുകുന്ദൻ, റാവു രമേഷ്, മുരളി ശർമ്മ, സമ്പത്ത് രാജ്, ശത്രു, മധുരിമ, കൽപിക ഗണേഷ്, ദിവ്യ ശ്രീപാദ, പ്രിയങ്ക ശർമ്മ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
ഹൈദരാബാദിൽ ജൂൺ ആദ്യ ആഴ്ച വരെ യാശോദയുടെ ചിത്രീകരണം ഉണ്ടാകും. തെലുങ്ക്, തമിഴ്, ഹിന്ദി, കന്നഡ, മലയാളം എന്നീ ഭാഷകളിൽ ഒരേസമയം ഓഗസ്റ്റ് 12-ന് യശോദ റിലീസ് ചെയ്യുമെന്നാണ് അണിയറ പ്രവർത്തകർ പറയുന്നത്.
സംഗീതം നിർവഹിച്ചിരിക്കുന്നത് മണിശർമ്മ. സംഭാഷണങ്ങൾ ഒരുക്കിയിരിക്കുന്നത് പുലഗം ചിന്നരായയും ഡോ. ചള്ള ഭാഗ്യലക്ഷ്മിയും ചേർന്നാണ്.
ഗാനങ്ങൾക്ക് വരികൾ എഴുതിയിരിക്കുന്നത് ചന്ദ്രബോസ്, രാമജോഗിയ ശാസ്ത്രി എന്നിവരാണ്.
ക്രിയേറ്റീവ് ഡയറക്ടർ: ഹേമാംബർ ജാസ്തി
ക്യാമറ: എം.സുകുമാർ
കല: അശോക്
ഫൈറ്റ്സ്: വെങ്കട്ട്
എഡിറ്റർ: മാർത്താണ്ഡം. കെ വെങ്കിടേഷ്
ലൈൻ പ്രൊഡ്യൂസർ: വിദ്യ ശിവലെങ്ക
സഹനിർമ്മാതാവ്: ചിന്താ ഗോപാലകൃഷ്ണ റെഡ്ഡി
നിർമ്മാതാവ്: ശിവലെങ്ക കൃഷ്ണ പ്രസാദ്
ബാനർ: ശ്രീദേവി മൂവീസ്
പിആർഒ : ആതിര ദിൽജിത്
