അവധി ആഘോഷിച്ച് നടി സണ്ണി ലിയോൺ തന്റെ ഭർത്താവ് ഡാനിയൽ വെബറിനൊപ്പം ദുബായില്‍. ദുബായിലെ തന്റെ മനോഹരമായ വീഡിയോ താരം ഇൻസ്റ്റഗ്രാമിൽ പങ്കിട്ടു. ദുബായിലെ സ്ഥിരം സന്ദര്‍ശകയാണ് സണ്ണി.
ദുബായ് ഐസ് റിങ്കിൽ സമയം ആസ്വദിക്കുന്ന വീഡിയോ ദമ്പതികൾ പങ്കുവെച്ചിട്ടുണ്ട്. Brands4u-യുടെ വെയർഹൗസും സന്ദർശിച്ചു. “ഏറ്റവും അത്ഭുതകരമായ ആഴ്‌ചയ്‌ക്ക് വളരെ നന്ദി @gtholidays.in. ലവ് യു, ദുബായ് എന്നാണ് താരം കുറിച്ചിരിക്കുന്നത്.
യുഎഇയിലെ ഓൺലൈൻ ഷോപ്പിംഗ് വെബ്‌സൈറ്റായ Brands4u-യുടെ വെയർഹൗസും സണ്ണി ലിയോൺ സന്ദർശിച്ചു. താരത്തിന്റെ മേക്കപ്പ് ബ്രാൻഡായ സ്റ്റാർ സ്ട്രക്കിന്റെ ഉൽപ്പന്നങ്ങൾ വെയർഹൗസിൽവെച്ച് നോക്കുന്നതും വീഡിയോയിൽ കാണാം. 2018 ഡിസംബറിൽ നടന്ന കൺസെപ്റ്റ് ബ്രാൻഡ് എക്‌സിബിഷൻ ദുബായ് വേൾഡ് ട്രേഡ് സെന്ററിലാണ് നടി തന്റെ ഉൽപ്പന്ന ലൈൻ ലോഞ്ച് ചെയ്തത്.
