കഴിഞ്ഞ കുറച്ച് മണിക്കൂറുകളായി ഒരു ഡാൻസ് വൈറലാകുകയാണ്. ഒരു മധുരക്കിനാവിൻ ലഹരിയിലേതോ…എന്ന കിടിലൻ പാട്ടിന് കിടിലൻ സ്റ്റെപ്പുമായി എനർജറ്റിക്കായി കളിക്കുന്ന ഒരുഡാൻസുകാരി.
കണ്ടവർ കണ്ടവർ ഷെയർചെയ്തു. കിടിലൻ , പൊളി, സൂപ്പർ എന്നിങ്ങനെ കമന്റുകളും നിറഞ്ഞു. ആ സൂപ്പർ ഡാൻസുകാരിയെപ്പറ്റി അന്വേഷിക്കുന്നവർക്കായി. ആ ഡാൻസുകാരി ഇവിടെയുണ്ട്. എറണാകുളം സ്വദേശി ലീലാമ്മ ജോൺ.
പട്ടാമ്പിയിലെ ബന്ധുവീട്ടിൽ കല്യാണ തലേന്ന് കളിച്ച ഡാൻസാണ് ഇപ്പോൾ സമൂഹ വൈറലായിരിക്കുന്നത്. ലക്ഷക്കണക്കിന് ആളുകളാണ് ഈ വീഡിയോ കണ്ടതും പ്രതികരണമറിയിച്ചിരിക്കുന്നതും.
ഡാൻസിനോട് ഒരിഷ്ടം മനസിലുണ്ടെന്നും ഒരവസരം കിട്ടിയപ്പോൾ സ്റ്റേജിൽ കയറി അങ്ങട് തകർത്തുവെന്നുമാണ് ലീലാമ്മയ്ക്ക് പറയാനുള്ളത്. റഹ്മാന്റെ പാട്ടല്ലേ? ഡാൻസ് കളിക്കാൻ സ്പീഡ് പാട്ടല്ലേ നല്ലത്? അപ്പോ പ്രായം ഒന്നും നോക്കീല്ലെന്നും ഈ സൂപ്പർ ലീലാമ്മ പറയുന്നു. ഞാന്‍
ഡാൻസ് നേരത്തേ പഠിച്ചതല്ല. അതൊക്കെ ഒരു ഒഴുക്കില്‍ അങ്ങ് വരുന്നതല്ലേ. റഹ്‌മാനും ശോഭനയും കളിക്കുന്ന സ്റ്റെപ്പുകള്‍ അറിയാത്തവരുണ്ടോ…എന്നും ചോദിക്കുകയാണ് ലീലാമ്മ. ലീലാമ്മയ്ക്ക് കട്ട സപ്പോർട്ടുമായി മകൻ സന്തോഷുമുണ്ട് കൂടെ.
https://fb.watch/rBGZHPlkBL/
