ഇന്ത്യയിലെ ഏറ്റവും കൂടുതൽ പ്രതിഫലം വാങ്ങുന്ന അഭിനേതാക്കളുടെ പട്ടികയിൽ ഒന്നാമതെത്തി വിജയ്. ഷാരൂഖ് ഖാനെ പിന്നിലാക്കിയാണ് വിജയ് പ്രതിഫലത്തിന്റെ കാര്യത്തിൽ മുൻപന്തിയിലെത്തിയത്.
275 കോടി രൂപയാണ് വിജയ് തന്റെ ദളപതി 69 എന്ന ചിത്രത്തിന് വേണ്ടി വാങ്ങിയ പ്രതിഫലമെന്നാണ് റിപ്പോർട്ട്. കിങ് ഖാൻ തന്റെ അവസാനത്തെ പ്രോജക്റ്റിനായി വാങ്ങിയത് 250 കോടി രൂപയാണ്. ഇത്രയും കാലം കിങ് ഖാൻ സ്വന്തമാക്കി വെച്ചിരുന്ന റെക്കോർഡാണ് ഇതോടെ ദളപതി തകർത്തത്. മുഴുവൻ സമയ രാഷ്ട്രീയ പ്രവർത്തനത്തിലേക്ക് കടക്കാനൊരുങ്ങുന്ന വിജയുടെ അവസാന ചിത്രമാണ് ദളപതി 69.
ദളപതി 69, 2025 ഒക്ടോബറിൽ തിയേറ്ററുകളിലെത്തുമെന്നാണ് അണിയറ പ്രവർത്തകർ പ്രഖ്യാപിച്ചിരിക്കുന്നത്. വിജയിയുടെ കരിയറിലെ അവസാനത്തെ ചിത്രമെന്ന നിലയിൽ ഏറെ വൈകാരികമാണ് ആരാധകർക്ക് ദളപതി 69.
