ബോളിവുഡ് താരം ഷാറൂഖ് ഖാന് ഇന്ത്യയിൽ മാത്രമല്ല രാജ്യത്തിന് പുറത്തും ആരാധകർ ഏറെയാണ്. നടന്റെ സിനിമകളും പാട്ടുകളും ഇന്ത്യയ്ക്ക് പുറത്തും വലിയ കാഴ്ചക്കാരെ നേടാറുണ്ട്.
സൗദി അറേബ്യയിലെ വിവാഹത്തിൽ നിന്നുള്ള ഒരു വിഡിയോയാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. ഷാറൂഖ് ഖാന്റെ റാം വൺ എന്ന ഗാനത്തിലെ ‘ചമ്മക്ക് ചല്ലോ’ ഗാനത്തിന് ചുവടുവെക്കുന്ന ഒരു കൂട്ടം ആളുകളെയാണ് വീഡിയോയിൽ കാണാൻ കഴിയുക. ഇവർ ഗാനം ആലപിക്കുന്നുമുണ്ട്.
രണ്ട് ദിവസം മുമ്പ് റിയാദ് കണക്ട് എന്ന ഇൻസ്റ്റാഗ്രാമിൽ ഷെയർ ചെയ്ത ഈ വിഡിയോക്ക് 13.1 മില്യൺ കാഴ്ചക്കാരെയാണ് നേടിയിരിക്കുന്നത്. മികച്ച പ്രതികരണമാണ് ഈ വിഡിയോയ്ക്ക് ലഭിക്കുന്നത്. ഇന്ത്യൻ സിനിമകൾ എന്നും വളരെ ജനപ്രിയമാണ്, ഇന്ത്യയിലേക്ക് സ്വാഗതം ഹബീബി, ഇന്ത്യൻ സംഗീതം അതിശയകരമാണ് എന്നിങ്ങനെയുള്ള നിരവധി കമന്റുകളുമായി ഇന്ത്യക്കാരും എത്തിയിട്ടുണ്ട്.
