തമിഴ് നടൻ സിദ്ധാർഥും നിമിഷ സജയനും പ്രധാന വേഷത്തിലെത്തുന്ന ‘ചിറ്റ’ എന്ന ചിത്രത്തിന്റെ ടീസർ പുറത്തിറങ്ങി. സിനിമയുടെ മലയാളം ടീസർ ദുൽഖർ സൽമാനാണ് തന്റെ സോഷ്യൽ മീഡിയ പേജിലൂടെ പുറത്തിറക്കിയത്. സേതുപതി, പന്നൈയാറും പദ്മിനിയും തുടങ്ങിയ ചിത്രങ്ങളിലൂടെ ശ്രദ്ധേയനായ എസ്.യു അരുൺ കുമാർ ആണ് ചിത്രത്തിന്റെ സംവിധായകൻ.
ഫാമിലി ത്രില്ലറായ ചിത്രം ഒരു കുട്ടിയുടേയും ഇളയച്ഛന്റെയും ആത്മബന്ധത്തിലൂടെയാണ് മുന്നോട്ടുപോകുന്നത്. എറ്റാക്കി എന്റർടെയ്ൻമെന്റ് നിർമ്മിച്ച ചിത്രം കേരളത്തിൽ വിതരണം ചെയ്യുന്നത് ശ്രീ ഗോകുലം മൂവീസ് ആണ്. സെപ്റ്റംബർ 28-ന് ചിത്രം തിയേറ്ററുകളിൽ പ്രദർശനത്തിനെത്തും.
