ഷാറൂഖ് ഖാന്റെ ജന്മദിനത്തിൽ താരത്തിന്റെ പുതിയ ചിത്രമായ ‘ഡങ്കി’യുടെ ടീസര്‍ പുറത്തിറക്കി അണിയറപ്രവർത്തകർ. രാജ്കുമാർ ഹിരാനി സംവിധാനം ചെയ്യുന്ന ചിത്രത്തിൽ തപ്സി പന്നുവാണ് നായികയായി എത്തുന്നത്.
ഷാറൂഖിനെ നായകനാക്കി ചിത്രീകരിച്ച പത്താൻ, ജവാൻ എന്നീ ബ്ലോക്ക്ബസ്റ്ററുകൾക്ക് ശേഷം രാജ്കുമാർ ഹിരാനി സംവിധാനം ചെയ്യുന്ന ഡങ്കി ക്രിസ്മസിനാണ് റിലീസ് ചെയ്യുക. രണ്ട് വിജയങ്ങൾക്ക് ശേഷം 2023 ലെ ഹാട്രിക് നേടാനൊരുങ്ങുകയാണ് ഈ സിനിമയിലൂടെ കിങ് ഖാൻ. ചിത്രം ബോക്സ് ഓഫീസ് റെക്കോഡുകൾ തകർക്കുമെന്ന പ്രതീക്ഷയിൽ തന്നെയാണ് അണിയറ പ്രവർത്തകർ.
റെഡ് ചില്ലീസ് എന്റർടെയ്ൻമെന്റിന്റെ ബാനറിൽ രാജ്കുമാർ ഹിരാനി ഫിലിംസും ജിയോ സ്റ്റുഡിയോയും ചേർന്നാണ് ഡങ്കി നിർമ്മിക്കുന്നത്. ബൊമ്മൻ ഇറാനി, വിക്കി കൗശല്‍ എന്നിവരാണ് മറ്റ് അഭിനേതാക്കൾ. ചിത്രത്തിന്റെ ഛായാഗ്രഹണം മലയാളിയായ സി.കെ. മുരളീധരനാണ്. ഡിസംബർ 22-നാണ് ചിത്രം തിയേറ്ററുകളിലെത്തുക.
