ബോളിവുഡ് സൂപ്പർ താരം ഷാരൂഖ് ഖാൻ്റെ ചിത്രം പതിച്ച സ്വർണനാണയം പുറത്തിറക്കി ഫ്രഞ്ച് മ്യൂസിയം. കിങ് ഖാനോടുള്ള ആദര സൂചകമായാണ് സ്വർണനാണയം പുറത്തിറക്കിയത്.
പാരീസിലെ ഗ്രെവിൻ മ്യൂസിയമാണ് ഷാരൂഖ് ഖാൻ്റെ ചിത്രം പതിച്ച സ്വർണനാണയമിറക്കിയത്. പാരീസിലെ സെയിൻ നദിയുടെ വലതുകരയിൽ ഗ്രാൻഡ്‌സ് ബൗൾവാർഡുകളിൽ സ്ഥിതിചെയ്യുന്ന മെഴുക് മ്യൂസിയമാണിത്. ഈ മ്യൂസിയത്തിൽ സ്വന്തം പേരിലുള്ള നാണയമിറങ്ങുന്ന ആദ്യത്തെ ഇന്ത്യൻ നടനാണ് ഷാരൂഖ് ഖാൻ.
ഇത് ആദ്യമായല്ല കിങ് ഖാനെ ആദരിക്കുന്നത്. ലോകത്തിലെ പ്രധാന വാക്‌സ് മ്യൂസിയങ്ങളിലെല്ലാം ഷാരൂഖ് ഖാന്റെ മെഴുക് പ്രതിമ സ്ഥാപിച്ചിട്ടുണ്ട്.
