ഐപിഎൽ മത്സരങ്ങൾക്ക് കൊടിയേറിയതോടെ ക്രിക്കറ്റ് ആരാധകർ ആവേശത്തിലാണ്. എന്നാൽ ഇതിനിടെ വിവാദത്തിലകപ്പെട്ടിരിക്കുകയാണ് സൂപ്പർ താരം ഷാറൂഖ് ഖാൻ. മത്സരത്തിനിടെ ഗാലറിയിലിരുന്ന് പുകവലിച്ചതോടെയാണ് കിങ് ഖാൻ വിമർശനങ്ങൾക്ക് ഇരയായത്.
ഇന്നലെ നടന്ന കൊൽക്കത്ത നൈറ്റ്‌ റൈഡേഴ്‌സിൻ്റെ ആദ്യ മത്സരത്തിനിടെയായിരുന്നു ടീം ഉടമയായ ഷാറൂഖ് ഗാലറിയിലിരുന്ന് പുക വലിച്ചത്. ഇതുകണ്ട ആരാധകരിൽ ചിലർ ഈ ദൃശ്യങ്ങൾ പകർത്തി സാമൂഹ്യമാധ്യമങ്ങളിൽ പ്രചരിപ്പിച്ചതോടെ സംഭവം ചർച്ചയായത്. ഇതോടൊപ്പം ആരാധകർക്ക് ഗാലറിയിൽ നിന്ന് ഷാറൂഖ് ഫ്ലൈയിങ് കിസ് നൽകുന്ന ദൃശ്യങ്ങളും സമൂഹമാധ്യമങ്ങളിൽ വൈറലാണ്.
ഇത് ആദ്യമായല്ല സ്റ്റേഡിയത്തിലിരുന്ന് പുകവലിച്ചതിൻ്റെ പേരിൽ ഷാറൂഖ് വിവാദത്തിലാകുന്നത്. ഇതിനുമുമ്പ് നിരവധി തവണ താരം ഇതേ വിധത്തിൽ ചർച്ചയായിട്ടുണ്ട്.
