മിനിസ്ക്രീൻ ആരാധകരുടെ ഇഷ്ട താരമാണ് ലക്ഷ്മി പ്രമോദ്. സമൂഹ്യ മാധ്യമങ്ങളിൽ സജീവമായ താരം തന്റെ സീരിയലുകളുമായും ജീവിതവുമായും ബന്ധപ്പെട്ട വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്. ഇപ്പോൾ തനിക്ക് കുഞ്ഞ് പിറന്നു എന്ന സന്തോഷ വാർത്തയാണ് താരം ആരാധകരെ അറിയിച്ചിരിക്കുന്നത്.
ലക്ഷ്മി ഒരു ആൺ കുഞ്ഞിനാണ് ജന്മം നൽകിയത്. ആശുപത്രിയിൽ നിന്നുള്ള തന്റെയും കുഞ്ഞിന്റെയും ചിത്രവും താരം പങ്കുവെച്ചിട്ടുണ്ട്. എന്നാൽ കുഞ്ഞിന്റെ മുഖം വെളിപ്പെടുത്തിയിട്ടില്ല. പ്രാർത്ഥിച്ച എല്ലാവർക്കും നന്ദി പറഞ്ഞുകൊണ്ടായിരുന്നു ലക്ഷ്മിയുടെ പോസ്റ്റ്. ഇതോടെ നിരവധി പേരാണ് താരത്തിന് ആശംസ അറിയിക്കുന്നത്.
സാമൂഹ്യ മാധ്യമങ്ങളിൽ സജീവമായ ലക്ഷ്മി പ്രസവത്തിനായി ലേബർ റൂമിലേയ്ക്ക് കയറുന്നതിന് മുമ്പുള്ള ഒരു ഡാൻസ് വീഡിയോ പങ്കിട്ടിരുന്നു. ഇത് വളരെ വേഗം വൈറലാകുകയും ചെയ്തിരുന്നു. ലക്ഷ്‌മിക്കും ഭർത്താവ് അസറിനും ഒരു മകൾ കൂടിയുണ്ട്.
