ഡാൻസ് റിയാലിറ്റി ഷോയിലൂടെ സിനിമയിലും മോഡലിങ്ങിലും തന്റേതായ സ്ഥാനം നേടിയെടുത്ത താരമായിരുന്നു സാനിയ ഇയ്യപ്പൻ. ഇപ്പോഴിതാ അതിൽ നിന്നെല്ലാം മൂന്ന് വർഷത്തെ ഇടവേള എടുത്തിരിക്കുകയാണ് താരം. യുകെയിലെ 167 വർഷങ്ങളുടെ പാരമ്പര്യമുള്ള യൂണിവേഴ്സിറ്റി ഫോർ ദ് ക്രീയേറ്റീവ് ആർട്സിലെ വിദ്യാർഥിയായുകയാണ് ഇനി സാനിയ. ബിഎ (ഓണേഴ്‌സ്) ആക്ടിങ് ആൻഡ് പെർഫോമൻസ് എന്ന വിഷയത്തിലാണ് സാനിയയുടെ പഠനം. സെപ്റ്റംബറിൽ കോഴ്സ് ആരംഭിച്ചുകഴിഞ്ഞു. തെക്കൻ ഇംഗ്ലണ്ടിലെ ആർട്സ് ആൻഡ് ഡിസൈൻ സർവകലാശാലയാണിത്.
സാനിയ തന്നെയാണ് സർവകലാശാല ഐഡി കാർഡ് പങ്കുവച്ചുകൊണ്ട് ഇക്കാര്യം പ്രേക്ഷകരെ അറിയിച്ചത്. കൂടാതെ ലണ്ടനിൽ നിന്നുള്ള മനോഹര ചിത്രങ്ങളും താരം പങ്കുവച്ചിട്ടുണ്ട്. 2026 ജൂൺ വരെയാണ് കോഴ്സ്. ഒഴിവുസമയത്ത് സിനിമയിൽ തുടരുമോ എന്നതും വ്യക്തമല്ല. ബാല്യകാല സഖി എന്ന ചിത്രത്തിലൂടെ ബാലതാരമായാണ് സാനിയ സിനിമയിൽ അരങ്ങേറ്റം കുറിച്ചത്. പിന്നീട് ക്വീൻ എന്ന ചിത്രത്തിലൂടെ നായികയായി.
