പ്രഭാസ് നായകനാക്കി പ്രശാന്ത് നീൽ സംവിധാനം ചെയ്ത ‘സലാർ’ നാളെ തിയേറ്ററിലേയ്ക്ക്. ഈ വർഷത്തെ ഏറ്റവും വലിയ റിലീസുകളിലൊന്നായിരിക്കും സലാർ എന്നാണ് വിലയിരുത്തൽ. തമിഴ്, ഹിന്ദി, മലയാളം, തെലുങ്ക്, കന്നഡ എന്നിങ്ങനെ അഞ്ച് ഭാഷകളിലായാണ് ചിത്രം റിലീസ് ചെയ്യുക.
പ്രഭാസും പൃഥ്വിരാജും കേന്ദ്ര കഥാപാത്രങ്ങളായെത്തുന്ന ചിത്രം രണ്ട് ഉറ്റ സുഹൃത്തുക്കളുടെ കഥയാണ് പറയുന്നത്. ഹോംബാലെ ഫിലിംസിന്റെ വലിയ പ്രൊജക്ടായ സലാറിന്റെ ട്രെയ്‌ലറും പ്രേക്ഷകർക്കിടയിൽ വലിയ ശ്രദ്ധ നേടിയിരുന്നു. ശ്രുതി ഹാസൻ, ജഗപതി ബാബു, ടിന്നു ആനന്ദ്, ഈശ്വരി റാവു, ശ്രീയ റെഡ്ഡി, രാമചന്ദ്ര രാജു എന്നിവരാണ് പ്രധാന കഥാപാത്രങ്ങളായി എത്തുന്നത്.
വിജയ് കിരഗാണ്ടർ, കെ വി രാമ റാവു എന്നിവർ ചേർന്നാണ് സലാർ നിർമ്മിച്ചിരിക്കുന്നത്. പൃഥ്വിരാജ് പ്രോഡക്ഷൻസും മാജിക് ഫ്രെയിംസും ചേർന്നാണ് സലാർ കേരളത്തിൽ റിലീസിനെത്തിക്കുന്നത്.
