വിരാട് കോലിയ്ക്ക് പിറന്നാൾ ആശംസകളുമായി സച്ചിൻ ടെണ്ടുൽക്കർ. 49ആം ഏകദിന സെഞ്ചുറിയുമായി സച്ചിന്റെ റെക്കോർഡിനൊപ്പമെത്തിയ വിരാട് കോലിക്ക് ആശംസയുമായി സാക്ഷാൽ ക്രിക്കറ്റ് ദൈവം. അടുത്ത ദിവസം തന്നെ എൻ്റെ റെക്കോർഡ് തകർക്കാനാവട്ടെ എന്ന് സച്ചിൻ എക്സിൽ കുറിച്ചു. ഇന്ന് ദക്ഷിണാഫ്രിക്കക്കെതിരായ ലോകകപ്പ് മത്സരത്തിൽ തൻ്റെ ജന്മദിനത്തിലാണ് കോലി സച്ചിന്റെ റെക്കോർഡിന് ഒപ്പമെത്തിയത്.
‘നന്നായി കളിച്ചു വിരാട്. 49ൽ നിന്ന് 50 (വയസ്) ലെത്താൻ എനിക്ക് 365 ദിവസം വേണ്ടിവന്നു. താങ്കൾ 49ൽ നിന്ന് 50ലേക്ക് അടുത്ത ദിവസങ്ങളിൽ തന്നെ എത്തി എൻ്റെ റെക്കോർഡ് തകർക്കട്ടെ എന്ന് ആശംസിക്കുന്നു.’- സച്ചിൻ കുറിച്ചു.
