ഉലകനായകൻ കമൽഹാസനും സൂപ്പർ ഡയറക്ടർ ശങ്കറും ഒന്നിക്കുന്ന പുതിയ ചിത്രം ‘ഇന്ത്യൻ 2’ വിന്റെ ഇൻട്രോ ഗ്ലിംമ്പ്സ് പുറത്ത് വിട്ടു. നടന്മാരായ രജനികാന്ത്, മോഹൻലാൽ, കിച്ച സുദീപ്, ഡയറക്ടർ എസ് എസ് രാജമൗലി എന്നിവരാണ് ഇൻട്രോ ഗ്ലിംമ്പ്സ് പുറത്ത് വിട്ടത്. ലൈക പ്രൊഡക്ഷൻസിന്റെയും റെഡ് ജയന്റിന്റെയും ബാനറുകളിൽ സുബാഷ്കരൻ ആണ് ‘ഇന്ത്യൻ 2’ വിന്റെ നിർമാണം. 1996-ലെ ബോക്‌സ് ഓഫീസ് റെക്കോർഡുകൾ തകർത്ത് ബ്ലോക്ക്ബസ്റ്ററിൽ ഇടം നേടിയ ‘ഇന്ത്യൻ’ എന്ന ചിത്രത്തിന്റെ രണ്ടാംഭാഗമാണ് ‘ഇന്ത്യൻ 2’.
എസ്.ജെ. സൂര്യ, കാജൽ അഗർവാൾ, രാകുൽ പ്രീത് സിംഗ്, ബോബി സിംഹ, തുടങ്ങിയവർ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. അനിരുദ്ധ് രവിചന്ദറാണ് ചിത്രത്തിന് സംഗീതം പകരുന്നത്. ഛായാഗ്രഹണം രത്നവേലു നിർവഹിക്കും. എ.ശ്രീകർ പ്രസാദ് ആണ് ചിത്രസംയോജനം നിർവഹിക്കുന്നത്. പിആർഒ ശബരി.
