മമ്മൂട്ടി നായകനാകുന്ന ചിത്രം പുഴുവിന്റെ ട്രെയിലർ പുറത്ത്. ട്രെയിലർ വളരെ വ്യത്യസ്തമായും ആകാംക്ഷ നിറക്കുന്ന രീതിയിലുമാണ് ഒരുക്കിയിട്ടുള്ളത്. നവാഗത സംവിധായക റതീനയുടെ ചിത്രം സിൻ സിൽ സെല്ലുലോയ്ഡിന്റെ ബാനറിൽ എസ് ജോർജാണ് നിർമ്മിക്കുന്നത്.
മമ്മൂട്ടി ആദ്യമായി ഒരു വനിതാ സംവിധായികയുടെ മലയാള സിനിമയിൽ അഭിനയിക്കുന്നു എന്ന പ്രത്യേകതയും പുഴുവിനുണ്ട്.
മമ്മൂട്ടിക്കൊപ്പം പുഴുവിലെ കേന്ദ്ര കഥാപാത്രമായെത്തുന്നത് പാർവതി തിരുവോത്താണ്. സോണി ലിവിലൂടെ ഒടിടി റിലീസ് ആയി മെയ് 13ന് പുഴു പ്രേക്ഷകരിലേക്കെത്തും. മമ്മൂട്ടി ചിത്രം ‘ഉണ്ട’യുടെ രചയിതാവ് ഹർഷദിന്റെ കഥയാണ് പുഴു. ഹർഷദിനൊപ്പം ഷർഫുവും സുഹാസും ചേർന്നാണ് പുഴുവിന് തിരക്കഥ ഒരുക്കിയിരിക്കുന്നത്.
കോട്ടയം രമേശ്, കുഞ്ചൻ, നെടുമുടി വേണു, ഇന്ദ്രൻസ്, ആത്മീയ രാജൻ, മാളവിക മേനോൻ, വാസുദേവ് സജീഷ് മാരാർ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ഛായാഗ്രഹണം തേനി ഈശ്വർ. സഹനിർമ്മാണവും വിതരണവും ദുൽഖറിന്റെ വേഫെയറർ ഫിലിംസ് .
