പൃഥ്വിരാജിനെ നായകനാക്കി ബ്ലെസി സംവിധാനം ചെയ്യുന്ന ‘ആട് ജീവിതം’ എന്ന ചിത്രത്തിന്റെ ഭാഗമാകാൻ ആരാധകർക്കും അവസരം ഒരുക്കുകയാണ് നിർമ്മാതാക്കൾ. ഫാൻ ആർട് ഇവൻ്റിന്റെ ഭാഗമായി ഹാന്റ്മേഡ് പോസ്റ്റർ ഒരുക്കാനാണ് പ്രേക്ഷകർക്ക് അവസരം നൽകിയിരിക്കുന്നത്.
ഇതിനോകം നിരവധി ഫാൻ്റ്മേഡ് പോസ്റ്ററുകൾ വന്നിട്ടുണ്ടെങ്കിലും ഫാൻ ആർട് ഇവന്റ്റിലൂടെ ആരാധകർക്കായി ഒരു പ്രത്യേക അവസരം നൽകിയിരിക്കുകയാണ് സിനിമയുടെ അണിയറ പ്രവർത്തകർ. നേരത്തെ പോസ്റ്ററുകൾ നിർമ്മിച്ചവർക്കും ഈ ഇവൻ്റിൽ പങ്കെടുക്കാൻ സാധിക്കും. സ്വന്തമായി ഉണ്ടാക്കിയ ആകർഷകമായ പോസ്റ്ററുകൾ [email protected] എന്ന മെയിൽ ഐ.ഡിയിലേയ്ക്കുക മാത്രമാണ് ഇതിനായി ചെയ്യേണ്ടത്.
2024 ഏപ്രിൽ 10-ന് ചിത്രം തിയേറ്ററുകളിലേക്കെത്തും. മലയാളം, ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിലായാണ് ചിത്രം പ്രേക്ഷകരിലേയ്ക്കെത്തുന്നത്. വിഷ്വൽ റൊമാൻസിൻ്റെ ബാനറിൽ എത്തുന്ന ചിത്രത്തിൽ പൃഥ്വിരാജിന് പുറമെ ജിമ്മി ജീൻ ലൂയിസ്, അമല പോൾ, കെ.ആർ ഗോകുൽ, താലിബ് അൽ ബലൂഷി, റിക്കാബി എന്നിവരാണ് പ്രധാന വേഷങ്ങളിലെത്തുന്നത്.
