ഇന്ത്യ മുഴുവന്‍ ആരാധകരുള്ള മലയാള ചലച്ചിത്ര താരമാണ് മമ്മൂട്ടി. എന്നാൽ അങ്ങ് ഫ്രാൻസിലും മമ്മൂട്ടിക്ക് ആരാധകരുണ്ടെന്ന് തെളിയിക്കുന്ന ഒരു ചിത്രമാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്. ഒരു ഫ്രഞ്ച് പത്രത്തിന്റെ മുന്‍ പേജില്‍ മമ്മൂട്ടിയും ഭാര്യ സുല്‍ഫത്തും നടന്നു നീങ്ങുന്ന ചിത്രമാണ് ഉള്ളത്.നടന്‍ രമേശ് പിഷാരടി ആണ് ഈ പേപ്പറിന്റെ ചിത്രങ്ങള്‍ ഫേസ്ബുക് പേജിൽ പങ്കുവച്ചിരിക്കുന്നത്.
‘ബിഗ്ബി ബ്രേക്കിങ്, ഫ്രഞ്ച് പത്രത്തിന്റെ ഫ്രണ്ട് പേജില്‍ ഫ്രണ്ടിനൊപ്പം ഫ്രാന്‍സില്‍ ഒരു ഫ്രീക്കന്‍’, എന്നാണ് രമേശ് പിഷാരടി പത്ര കട്ടിങ്ങിനൊപ്പം കുറിച്ചിരിക്കുന്നത്. അതേസമയം പോസ്റ്റ് പുറത്ത് വന്നതിന് പിന്നാലെ നിരവധി പേരാണ് കമന്റുകളുമായി രംഗത്തെത്തിയത്.
കേരളത്തില്‍ മാത്രമല്ല അങ്ങ് ഫ്രാന്‍സിലുമുണ്ടെടാ പിടി എന്നാണ് സോഷ്യല്‍ മീഡിയയില്‍ ആരാധകര്‍ കുറിക്കുന്നത്. നിലവില്‍ അമേരിക്കന്‍ യാത്രയിലാണ് മമ്മൂട്ടി. കേരളത്തിൽ തിരിച്ചെത്തുന്ന താരം പുതിയ ചിത്രമായ ‘ബസൂക്ക’ പൂര്‍ത്തിയാക്കും. ശേഷം ജൂലൈ പകുതിയോടെ പുതിയ ചിത്രത്തില്‍ ജോയിന്‍ ചെയ്യുമെന്നാണ് പുതിയ റിപ്പോർട്ടുകൾ.
