മുറ എന്ന ചിത്രത്തിൽ ശ്രീനാഥ് ഭാസി ആലപിച്ച നൂലില്ലാ കറക്കം എന്ന പാട്ട് സോഷ്യൽ മീഡിയയിലൂടെ റിലീസ് ചെയ്ത് ഫഹദ് ഫാസിൽ. ചിത്രത്തിൻ്റെ ടീസറിനും ടൈറ്റിൽ സോങിനും ശേഷമാണ് ശ്രീനാഥ് ഭാസി ആലപിച്ച പാട്ട് പുറത്തെത്തുന്നത്.
വിനായക് ശശികുമാർ രചന നിർവഹിച്ച നൂലില്ലാ കറക്കം ഗാനത്തിൻ്റെ സംഗീത സംവിധാനം ക്രിസ്റ്റി ജോബിയാണ്. പാട്ട് മണിക്കൂറുകൾക്കകം സോഷ്യൽ മീഡിയ ട്രെൻഡിംഗ് ആയിക്കഴിഞ്ഞു.കപ്പേളക്ക് ശേഷം മുഹമ്മദ് മുസ്തഫ സംവിധാനം ചെയ്യുന്ന ചിത്രം “മുറ” ഉടൻ തിയേറ്ററുകളിലേക്കെത്തും.
സുരാജ് വെഞ്ഞാറമൂടും, ക്യാൻ ഫിലിം ഫെസ്റ്റിവലിൽ അവാർഡ് നേടിയ ഹ്രിദ്ധു ഹാറൂണുമാണ് മുറയിൽ സുപ്രധാന വേഷങ്ങളിലെത്തുന്നത്. ഉപ്പും മുളകും ഫെയിം സുരേഷ് ബാബുവാണ് മുറയുടെ രചന നിർവഹിക്കുന്നത് . മാലാ പാർവതി, കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യെദു കൃഷ്ണ തുടങ്ങിയവരാണ് മുറയിലെ പ്രധാന കഥാപാത്രങ്ങളെ അവതരിപ്പിക്കുന്നത്.
മുറയുടെ നിർമ്മാണം : റിയാ ഷിബു,എച്ച് ആർ പിക്ചേഴ്സ്, എക്സിക്കുട്ടീവ് പ്രൊഡ്യൂസർ: റോണി സക്കറിയ, ഛായാഗ്രഹണം : ഫാസിൽ നാസർ, എഡിറ്റിംഗ് : ചമൻ ചാക്കോ, സംഗീത സംവിധാനം : ക്രിസ്റ്റി ജോബി, കലാസംവിധാനം : ശ്രീനു കല്ലേലിൽ , മേക്കപ്പ് : റോണെക്സ് സേവ്യർ, വസ്ത്രാലങ്കാരം : നിസാർ റഹ്മത്ത്, ആക്ഷൻ : പി.സി. സ്റ്റൻഡ്‌സ്, പ്രൊഡക്ഷൻ കൺട്രോളർ : ജിത്ത് പിരപ്പൻകോട്, പി ആർ ഓ : പ്രതീഷ് ശേഖർ.
