തായ് എയർവേയ്സ് എന്ന പേരിൽ അറിയപ്പെടുന്ന തായ് എയർവേയ്സ് ഇന്‍റര്‍നാഷണൽ പബ്ലിക്‌ കമ്പനി ലിമിറ്റഡിനെതിരെ സിനിമ താരം നസ്രിയ നസീം. വളരെ മോശം സേവനം, ജീവിതത്തിൽ ഇനി ഒരിക്കലും തായ് എയർവേസിൽ കയറില്ലെന്നാണ് നടി നസ്രിയ നസീം ഇൻസ്റ്റഗ്രാമിൽ സ്റ്റോറി പോസ്റ്റ്‌ ചെയ്തിരിക്കുന്നത്. ഇത്രയും കാലത്തിനിടയ്ക്ക് ഒരു എയർലൈന്‍റെയും ഭാഗത്തു നിന്ന് അല്ലെങ്കിൽ ജീവനക്കാരുടെ ഭാഗത്തു നിന്ന് ഇത്തരത്തിൽ ഒരു മോശം അനുഭവവും തനിക്ക് ഉണ്ടായിട്ടില്ലെന്ന് നസ്രിയ എഴുതിയിരിക്കുന്നു.
തന്‍റെ ബാഗ് വിമാനത്തിൽ വച്ച് കാണാതാവുകയുണ്ടായി. ഈ കാര്യം അധികൃതരെ അറിയിച്ചപ്പോൾ യാതൊരു പരിഗണനയും ശ്രദ്ധയും തന്നില്ലെന്നാണ് നസ്രിയയുടെ പരാതി. ഇനി ജീവിതത്തിൽ ഒരിക്കലും തായ് എയർവേയ്സിൽ കയറില്ലെന്നും താരം വ്യക്തമാക്കുന്നു. തായ് എയർവേസിനെ ടാഗ് ചെയ്തുകൊണ്ടാണ് തനിക്കുണ്ടായ മോശം അനുഭവം നസ്രിയ പറഞ്ഞിരിക്കുന്നത്.
തായ്‌ലാന്‍റിന്‍റെ പതാകവാഹക എയർലൈനാണ് തായ് എയർവേയ്സ്. 2017 മുതല്‍ കമ്പനി നഷ്ടത്തിലാണ് .
