നാല് വർഷത്തെ ഇടവേളക്ക് ശേഷം നസ്രിയ മലയാളത്തിലേക്ക്‌ തിരിച്ചെത്തുന്നു. എം.സി. ജിതിൻ സംവിധാനം ചെയ്യുന്ന ‘സൂക്ഷ്മദർശിനി’ എന്ന ചിത്രത്തിലൂടെയാണ് നസ്രിയയുടെ തിരിച്ചുവരവ്. ബേസിൽ ജോസഫ് ആണ് ചിത്രത്തിലെ നായകൻ. സിദ്ധാർഥ് ഭരതനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഹാപ്പി അവേഴ്സിന്റെ ബാനറിൽ സമീർ താഹിറും ഷൈജു ഖാലിദും ചേർന്നാണ് ചിത്രത്തിന്റെ നിർമ്മാണം. എവിഎ പ്രൊഡക്ഷൻസും നിർമാണത്തിൽ പങ്കാളിയാണ്. ചിത്രത്തിന്റെ ഷൂട്ടിങ് കോലഞ്ചേരിയിൽ ആരംഭിച്ചു കഴിഞ്ഞു.
നസ്രിയ, ബേസിൽ എന്നിവർക്കൊപ്പം ദീപക് പറമ്പോൽ, അഖില ഭാർഗവൻ, മെറിൻ ഫിൽപ്പ്, പൂജ മോഹൻരാജ്, കോട്ടയം രമേഷ്, ഗോപൻ മങ്ങാട്ട്, മനോഹരി ജോയ്, റിനി ഉദയകുമാർ, ജയ കുറുപ്പ്, മുസ്കാൻ ബിസാരിയ, , അഭിരാം പൊതുവാൾ, ബിന്നി റിങ്കി, നൗഷാദ് അലി, നന്ദൻ ഉണ്ണി, ആതിര രാജീവ്, മിർസ ഫാത്തിയ എന്നിവരും മറ്റു പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
2018ൽ നോൺസെൻസ് എന്ന സിനിമയിലൂടെ സംവിധാന രംഗത്തെത്തിയ ജിതിന്റെ രണ്ടാമത്തെ സിനിമയാണ് സൂക്ഷ്മ ദർശിനി. ഇംതിയാസ് കദീർ, സനു താഹിർ എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്. ഛായാഗ്രഹണം നിർവഹിക്കുന്നത് ശരൺ വേലായുധനാണ്. ചിത്രസംയോജനം ചമൻ ചാക്കോ, സൗണ്ട് ഡിസൈൻ വിഷ്ണു ഗോവിന്ദ് നിർവഹിക്കുന്നു. കലാസംവിധാനം വിനോദ് രവീന്ദ്രനും മേക്കപ്പ് ആർ ജി വയനാടനുമാണ് നിർവഹിക്കുന്നത്.
