‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

ദേശീയ-സംസ്ഥാന ചലച്ചിത്ര പുരസ്കാരം; മമ്മൂട്ടി തഴയപ്പെട്ടു, ആരാധകർക്ക് നിരാശ

Date:

Share post:

ദേശീയ – സംസ്ഥാന ചലച്ചിത്ര അവാർഡുകൾ പ്രഖ്യാപിച്ചപ്പോൾ മമ്മൂട്ടിക്ക് പുരസ്കാരം ലഭിക്കാതെപോയത് ആരാധകരെ നിരാശയിലാഴ്ത്തി. മികച്ച നടനുള്ള പോരാട്ടത്തിൽ ഫെെനൽ റൗണ്ടിലെത്തിയിരുന്നെങ്കിലും അവസാന നിമിഷം മമ്മൂട്ടി തഴയപ്പെടുകയായിരുന്നു. ദേശീയ ചലച്ചിത്ര പുരസ്കാരത്തിൽ അവസാന ഘട്ടത്തിൽ മമ്മൂട്ടിയും കന്നഡ താരം റിഷഭ് ഷെട്ടിയും തമ്മിൽ നടന്ന ശക്തമായ പോരാട്ടത്തിൽ മികച്ച നടനായി തിരഞ്ഞെടുക്കപ്പെട്ടത് റിഷഭ് ഷെട്ടിയാണ്.

2022 ജനുവരി 1-നും ഡിസംബർ 31-നും ഇടയിൽ സെൻസർ ചെയ്‌ത സിനിമകൾ പരിഗണിച്ച് 2022-ൽ പുറത്തിറങ്ങിയ സിനിമകളെയാണ് അവാർഡിനായി പരി​ഗണിച്ചിരുന്നത്. നൻപകൽ നേരത്ത് മയക്കം, റോഷാക്ക് എന്നീ ചിത്രങ്ങളിലെ അഭിനയത്തിനായിരുന്നു മമ്മൂട്ടിയെ പരി​ഗണിച്ചിരുന്നത്. രണ്ട് ചിത്രങ്ങളും നിർമ്മിച്ചത് മമ്മൂട്ടിയുടെ സ്വന്തം കമ്പനിയായ മമ്മൂട്ടി കമ്പനിയാണ്. ലിജോ ജോസ് പെല്ലിശ്ശേരി സംവിധാനം ചെയ്ത‌ നൻപകൾ നേരത്ത് മയക്കം എന്ന ചിത്രത്തിലെ ഇരട്ടവേഷം നിരൂപക പ്രശംസ നേടിയിരുന്നു. അതോടൊപ്പം റോഷാക്കിലെ ലൂക്ക് ആന്റണിയെ അദ്ദേഹം അവതരിപ്പിച്ചതും പ്രശംസിക്കപ്പെട്ടു.

അതേസമയം, കാന്താരയിലെ പ്രകടനവുമായി മമ്മൂട്ടിയോട് റിഷഭ് ഷെട്ടി കിടപിടിച്ചു. 2022 സെപ്തംബർ 30ന് റിലീസ് ചെയ്‌ത ചിത്രത്തിൻ്റെ രചനയും സംവിധാനവും അദ്ദേഹം തന്നെയാണ് നിർവ്വഹിച്ചത്. കേരളത്തിലെ ചിത്രത്തിൻ്റെ വിജയവും ജനീവയിലെ ഐക്യരാഷ്ട്രസഭയുടെ ഓഫീസിൽ പ്രദർശിപ്പിച്ചതും അദ്ദേഹത്തിന്റെ പേരിനെ ശക്തിപ്പെടുത്തിയെന്ന് വേണം പറയാൻ. ഇതോടെ അവസാന ഘട്ടത്തിൽ അദ്ദേഹം മമ്മൂട്ടിയേക്കാൾ മുന്നിലെത്തുകയായിരുന്നു.

അതേസമയം, ഇന്ന് സംസ്ഥാന ചലച്ചിത്ര പുരസ്കാരങ്ങൾ പ്രഖ്യാപിച്ചപ്പോഴും മമ്മൂട്ടിക്ക് പുരസ്കാരം ലഭിച്ചില്ല എന്നത് ആരാധകരെ തളർത്തുകയാണ്. ആടുജീവിതത്തിലെ പ്രകടനത്തിന് പൃഥ്വിരാജാണ് മികച്ച നടനായി തിരഞ്ഞെടുക്കപ്പെട്ടത്. അവസാന നിമിഷം വരെ മമ്മൂട്ടിയും പൃഥ്വിരാജും തമ്മിൽ ശക്തമായ പോരാട്ടമായിരുന്നു നടന്നിരുന്നത്.

LEAVE A REPLY

Please enter your comment!
Please enter your name here

spot_img

Related articles

വേഷം തെരഞ്ഞെടുക്കുന്നത് പോലെ ആഭരണങ്ങളും; ഫഹദിൻ്റെ പരസ്യം ഹിറ്റ്

മലയാളികളുടെ പ്രിയ നടൻ ഫഹദ് ഫാസിൽ ബ്രാൻഡ് അംബാസിഡർ ആയ കവിത ഗോൾഡ് ആൻഡ് ഡയമണ്ട്സിൻ്റെ ഏറ്റവും പുതിയ പരസ്യം വൻഹിറ്റ്. സ്റ്റൈലിലും ആറ്റിട്യൂഡിലും...

പുതുവർഷത്തെ വരവേൽക്കാനൊരുങ്ങി ദുബായ്; 6 സ്ഥലങ്ങളിൽ കരിമരുന്ന് പ്രകടനം

2025-നെ വരവേൽക്കാനൊരുങ്ങിയിരിക്കുകയാണ് ദുബായ്. വിവിധ ആഘോഷ പരിപാടികളാണ് എമിറേറ്റിന്റെ വിവിധ ഭാ​ഗങ്ങളിലായി ഒരുക്കിയിരിക്കുന്നത്. പുതുവർഷത്തിൻ്റെ ആദ്യ മിനിറ്റുകളിൽ ദുബായിലെ ആറ് പ്രദേശങ്ങളിൽ കരിമരുന്ന് പ്രകടനം...

ബാഡ്മിന്റൺ താരം പി.വി സിന്ധു വിവാഹിതയായി; വരൻ വെങ്കടദത്ത സായ്

ബാഡ്മിന്റൺ താരം പി.വി സിന്ധു വിവാഹിതയായി. സോഫ്റ്റ്വെയർ കമ്പനിയായ പൊസിഡെക്‌സ് ടെക്നോളജീസിൻ്റെ എക്‌സിക്യൂട്ടീവ് ഡയറക്ടർ വെങ്കടദത്ത സായിയാണ് വരൻ. വിവാഹത്തിൽ രാജ്യത്തെ രാഷ്ട്രീയ, കായിക,...

സൗദിയിൽ ഉല്പാദിപ്പിക്കുന്ന ഒട്ടക പാലിന് ആഗോള വിപണിയിൽ വൻ ഡിമാന്റ്; ലിറ്ററിന് 20 ഡോളര്‍ വരെ

ആ​ഗോള വിപണി കയ്യടക്കുകയാണ് സൗദിയിൽ ഉല്പാദിപ്പിക്കുന്ന ഒട്ടക പാൽ. രാജ്യത്തെ ഒട്ടക പാലിനും അനുബന്ധ ഉല്പന്നങ്ങൾക്കും ആഗോള വിപണിയിൽ വൻ ഡിമാന്റാണുള്ളത്. അന്താരാഷ്ട്ര വിപണിയിൽ...