മകളുടെ പേര് വെളിപ്പെടുത്തി ബോളിവുഡ് താരദമ്പതികളായ രൺവീർ സിങും ദീപിക പദുക്കോണും. “ദുവ പദുക്കോൺ സിങ്’ എന്നാണ് കുഞ്ഞിന് നൽകിയിരിക്കുന്ന പേര്. തങ്ങളുടെ പ്രാർത്ഥനകൾക്കുള്ള ഉത്തരമാണ് ദുവയെന്നും ദീപികയും രൺവീറും ഇൻസ്റ്റഗ്രാമിൽ കുറിച്ചു.
പ്രാർത്ഥന എന്നാണ് ദുവയുടെ അർത്ഥമെന്ന് താരദമ്പതികൾ കുറിച്ചു. മകളുടെ കാലുകളുടെ ചിത്രവും ഇരുവരും ആരാധകരുമായി പങ്കുവെച്ചിട്ടുണ്ട്.
സെപ്റ്റംബർ 8നാണ് ദീപികയ്ക്കും രൺവീറിനും കുഞ്ഞ് ജനിച്ചത്. വർഷങ്ങൾ നീണ്ട പ്രണയത്തിനൊടുവിൽ 2018ലായിരുന്നു ദീപികയും രൺവീറും വിവാഹിതരായത്.
