മമ്മൂട്ടിയ്ക്ക് പിന്നാലെ മലയാളത്തിന്റെ സൂപ്പർ താരം മോഹൻലാലും പ്രമുഖ മലയാളി വ്യവസായി എം എ യൂസഫലിയും ലണ്ടനിൽ കണ്ടുമുട്ടി. കൂടിക്കാഴ്ച്ചയുടെ ചിത്രങ്ങളും വീഡിയോകളും വൈറൽ ആണ്. കഴിഞ്ഞ ദിവസങ്ങളിലായി ലണ്ടനിലെ ക്നൈറ്റ്സ് ബ്രിഡ്ജ് സ്ട്രീറ്റിൽ വെച്ചാണ് ഇരുവരും കണ്ടുമുട്ടിയത്. ഇവർക്കൊപ്പം ഒപ്പം വാള്‍ട്ട് ഡിസ്‍നി കമ്പനി ഇന്ത്യ പ്രസിഡന്റ് കെ മാധവനെയും കാണാം. മൂവരും യൂസഫലിയുടെ ബെന്റലി കാറിൽ സഞ്ചരിക്കുന്നുമുണ്ട്.
നേരത്തെ നടൻ മമ്മൂട്ടി യൂസഫലിയെ കണ്ടുമുട്ടിയ ചിത്രങ്ങളും വൈറൽ ആയിരുന്നു. വിംബിള്‍ഡൻ സെമിഫൈനല്‍ മത്സരം ഉൾപ്പടെയുള്ളവ കാണുന്നതിനും മറ്റ് ചില സ്വകാര്യ സന്ദർശനങ്ങൾക്കും വേണ്ടിയാണ് മോഹൻലാൽ യുകെയിൽ എത്തിയത്. ലണ്ടൻ സന്ദർശനത്തിന് ശേഷം മോഹൻലാൽ പാരീസ്, ബർലിൻ സന്ദർശനങ്ങൾക്കായി യാത്ര തിരിച്ചിട്ടുണ്ട്.
മാഞ്ചസ്റ്ററിൽ നടന്ന ആനന്ദ് ടിവി അവാർഡ് നൈറ്റിൽ പങ്കെടുക്കാൻ മോഹൻലാൽ ഒഴികെ മലയാള സിനിമയിലെ നിരവധി നടീനടൻമാർ യുകെയിൽ എത്തിയിരുന്നു. ഇവരെല്ലാം ലണ്ടനിൽ തുടരുകയാണ്. ലണ്ടൻ വിശേഷങ്ങൾ സാമൂഹമാധ്യമ അക്കൗണ്ടുകളിലൂടെ ഇവർ പങ്കുവയ്ക്കുന്നുമുണ്ട്.
