സൂപ്പർ സ്റ്റാറിന്റെ പ്രായം ഓരോ ദിവസം കഴിയുംതോറും പിന്നോട്ടാണോ സഞ്ചരിക്കുന്നതെന്ന് ആരാധകർക്ക് ഒരു സംശയം. അതിന്റെ കാരണം താരത്തിന്റെ പുതിയ ലുക്ക് തന്നെയാണ്. ആരെയും ആകർഷിക്കുന്ന രീതിയിൽ പൊതുവേദിയിൽ പ്രത്യക്ഷപ്പെട്ട മമ്മൂട്ടിയാണ് ഇപ്പോൾ സാമൂഹ്യമാധ്യമങ്ങളിലെ താരം. ലുക്കിന്റെ കാര്യത്തിൽ മമ്മൂക്കയെ തോൽപ്പിക്കാൻ മറ്റൊരു നടനും കഴിയില്ലെന്നാണ് ആരാധകർ ഒന്നടങ്കം പറയുന്നത്.
വെള്ള ഔട്ട്ഫിറ്റിൽ സിംപിളായി എത്തിയാണ് മമ്മൂട്ടി ആരാധകരുടെ മനം കവർന്നത്. കാതൽ ദി കോർ, കണ്ണൂർ സ്‌ക്വാഡ് എന്നീ സിനിമകളുടെ സക്സസ് സെലിബ്രേഷനാണ് താരം വെള്ള കുർത്തയും പാൻ്റുമണിഞ്ഞ് എത്തിയത്. സിൽവർ നിറത്തിലുള്ള ബ്രേസ്‌ലെറ്റും മോതിരങ്ങളും വെള്ള നിറത്തിലുള്ള വാച്ചും അണിഞ്ഞെത്തിയ മമ്മൂട്ടിയായിരുന്നു പരിപാടിയിലെ ശ്രദ്ധകേന്ദ്രം. മമ്മൂട്ടിയുടെ ഭാര്യ സുൽഫത്തും ചടങ്ങിനെത്തിയിരുന്നു.
ടർബോ എന്ന ചിത്രത്തോടനുബന്ധിച്ച് എയർപോർട്ടിൽ മാസ് ലുക്കിൽ പ്രത്യക്ഷപ്പെട്ട മമ്മൂട്ടി എല്ലാവരുടെയും ശ്രദ്ധ പിടിച്ചുപറ്റിയിരുന്നു. ഇപ്പോൾ സിംപിൾ ലുക്കിലുമെത്തി താരം ആരാധകരെ അമ്പരപ്പിച്ചിരിക്കുകയാണ്. ‘ഇത്ര പ്രായമായിട്ടും എന്തൊരു ഭംഗിയാണ് എന്നിങ്ങനെയുള്ള കമന്റുകളാണ് ചിത്രത്തിന് താഴെ വന്നുനിറയുന്നത്.
