മെഗാസ്റ്റാർ മമ്മൂട്ടിയുടെ ഫോട്ടോഷൂട്ട് ചിത്രങ്ങൾ എപ്പോഴും സാമൂഹ്യമാധ്യമങ്ങളിൽ വൈറലാകാറുണ്ട്. പ്രായത്തെ വെല്ലുന്ന ലുക്കിലാണ് താരം പ്രത്യക്ഷപ്പെടാറുള്ളത് എന്നതാണ് അതിനുള്ള കാരണം. വീണ്ടും അത്തരത്തിൽ ഒരു ചിത്രവുമായി എത്തിയിരിക്കുകയാണ് മമ്മൂട്ടി.
ഓഫ് വൈറ്റ് നെക്‌ക്ലെസ് ടീ ഷർട്ടും ഓവർ സൈസ് ജീൻസും ധരിച്ച് നിൽക്കുന്ന മമ്മൂട്ടിയുടെ ചിത്രമാണ് സാമൂഹ്യമാധ്യമങ്ങളിൽ വൈറലാകുന്നത്. മമ്മൂട്ടി തന്നെയാണ് ചിത്രങ്ങൾ പങ്കിട്ടിരിക്കുന്നത്. ALLG (ഓൾ ഗുഡ്) എന്നാണ് താരം ഫോട്ടോയ്ക്ക് നൽകിയിരിക്കുന്ന അടിക്കുറിപ്പ്.
ആരാധകരും സഹപ്രവർത്തകരുമായ നിരവധി പേരാണ് ചിത്രത്തിന് കമന്റുമായി എത്തുന്നത്. നടന്റെ പ്രായം പിന്നോട്ടാണോ സഞ്ചരിക്കുന്നത് എന്നാണ് എല്ലാവരും കമന്റ് ചെയ്യുന്നത്.
